बझाङ केन्द्रबिन्दु बनाएर ५१३ वटा पराकम्पन गए
असोज १६ गते बझाङ सदरमुकाम चैनपुर केन्द्रबिन्दु बनाएर गएको ६.३ रेक्टर स्केलको भूकम्पपछि यस क्षेत्र वरिपरि केन्द्रबिन्दु बनाएर ५१३ वटा पराकम्पन गएको भूकम्प राष्ट्रिय भूकम्प मापन तथा अनुसन्धान केन्द्रले जनाएको छ ।
सुदूरपश्चिममा प्रथम बालिका सम्मेलन
सुदूरपश्चिममा पहिलो पटक प्रदेशस्तरीय बालिका सम्मेलन सम्पन्न भएको छ । बालिका तथा किशोरीहरूको समग्र विकासमा स्थानीय सरकार र सामाजिक क्षेत्रमा कार्यरत सङ्घ संस्थालाई उनीहरूको भूमिका र दायित्व बोध गराउन सुदूरपश्चिम प्रदेश सरकारको सामाजिक विकास मन्त्रालयले सम्मेलनको आयोजना गरेको हो ।
धनगढीमा प्रदेशस्तरीय स्वास्थ्य समीक्षा गोष्ठी
सुदूरपश्चिम प्रदेशमा आर्थिक वर्ष २०७९/८० मा सम्पादित स्वास्थ्य कार्यक्रमको प्रदेशस्तरीय एकीकृत वार्षिक स्वास्थ्य समीक्षा गोष्ठी आजबाट धनगढीमा सुरु भएको छ ।
प्रदेश सभाको दोस्रो अधिवेशन अन्त्य
सुदूरपश्चिम प्रदेश सभाको दोस्रो (बर्खे) अधिवेशन आज राति १२ बजेबाट लागू हुने गरी अन्त्य भएको छ । मन्त्रिपरिषद्को सिफारिसमा प्रदेश प्रमुख देवराज जोशीले दोस्रो अधिवेशनको अन्त्य गर्नु भएको हो ।
प्रतिनिधि सभाको उपभोक्ता हित समितिद्वारा सरोकारवालासँग छलफल
प्रतिनिधि सभाको उद्योग तथा वाणिज्य र श्रम तथा उपभोक्ता हित समितिले उपभोक्ता अधिकारको बारेमा सरोकारवालासँग छलफल गरेको छ ।
एमाले सुदूरपश्चिम प्रदेशको अध्यक्षमा जैसी निर्विरोध
नेकपा एमाले सुदूरपश्चिम प्रदेशको अध्यक्षमा कृष्णप्रसाद जैसी निर्विरोध निर्वाचित हुनु भएको छ । अन्य पदाधिकारीहरू समेत सर्वसम्मत हुनुभएको हो ।
घडियालको सङ्ख्या बढ्यो
कैलालीका विभिन्न नदीमा पाइने घडियाल गोहीको सङ्ख्या बढेको छ । विश्वमै दुर्लभ मानिएको घडियाल विगतका वर्षभन्दा यो वर्ष बढी नै सङ्ख्यामा देखिएको सम्बद्ध अधिकारीले बताएका छन् । यो वर्ष जिल्लाको पूर्वी क्षेत्रका नदी तथा धनगढी उपमहानगरपालिका–१४ स्थित एचगाउँ भएर बग्ने मोहना नदीमा घडियाल गोही देखा परेका छन् । एचगाउँ मोहना नदीको माथिल्लो तटीय क्षेत्र हो ।
रैथाने बाली संरक्षण
रैथाने बाली लोप हुँदै गएपछि कृषि ज्ञान केन्द्र बाजुराले पछिल्लो समय बाली संरक्षणमा जोड दिएको छ । स्थानीय किसानलाई अर्गानिक खाद्यमा प्रोत्साहन गर्ने गरी रैथाने बाली संरक्षण गर्न लागेको कृषि ज्ञान केन्द्रले जनाएको छ । यहाँ उत्पादन हुने कोदो, फापर, सिमी, चिनो, कागुनो, उवा, झुमरो, स्थानीय जातको मकै, जौलगायतका अन्न बाली पछिल्लो समय हराउँदै गएका छन् । ती बालीको संरक्षण गर्न अनुदानका कार्यक्रम अघि सारेको कृषि ज्ञान केन्द्रका सुचना अधिकारी मीनप्रसाद जैसीले बताउनुभयो ।
नदीजन्य वस्तुको ठेक्का नै परेन
स्थानीय सरकारले नदीजन्य वस्तु गिट्टी, बालुवा र ढुङ्गाको रोयल्टी महँगो तोकेको भन्दै ठेकेदारले टेन्डर नै नदिएको बताइएको छ । गत वर्ष ११९ रुपियाँप्रति घनमिटर दर कायम भएको थियो । चालु आर्थिक वर्षमा २३९ रुपियाँ प्रतिघनमिटर भएपछि ठेकेदार कम्पनीले ठेक्का लिन नसकेको गुनासो गरेका छन् । आव २०८०/८१ का लागि सुदूरपश्चिम प्रदेश सरकारले आर्थिक विधेयकमै नदीजन्य पदार्थको रोयल्टी निर्धारण गरेपछि सोही आधारमा स्थानीय तहले ठेक्का प्रव्रिmयाबाट काम थालेका हुन् ।
बझाङमा मध्यरातमा पुन : भूकम्पको धक्का
बझाङमा गएराति पुनः भूकम्पको धक्का महसुस गरिएको छ । मष्टा गाउँपालिकाको भातेखोला केन्द्रविन्दु भएर गएराति १२ बजेर २२ मिनेट जाँदा ५.२ रेक्टर स्केलको भूकम्प गएको हो ।
पुनर्स्थापना कोष र केन्द्रसम्बन्धी कानुन बनाउनु पर्ने
सुदूरपश्चिम प्रदेश सरकारले मानव बेचबिखन पीडितका लागि पुनस्र्थापना कोष र पुनर्स्थापना केन्द्र सम्बन्धमा कानुन बनाउन पर्ने औंल्याइएको छ ।
अवैध रकमसहित तीन भारतीय नागरिक पक्राउ
कैलालीको टीकापुरमा अवैध रकमसहित तीन जना भारतीय नागरिक पक्राउ परेका छन् । मंगलबार साँझ गस्ती गरिरहेको समयमा विषेश सूचनाका आधारमा राजस्व अनुसन्धान तथा औधोगिक शिक्षालय टीकापुरको प्रहरी टोलीले उनीहरुलाई पक्राउ गरेको हो ।
सुदूरपश्चिम प्रदेशसभाबाट शोक प्रस्ताव पारित
सुदूरपश्चिम प्रदेशस भाबाट शोक प्रस्ताव पारित भएको छ । इजरायलमा १० जना नेपाली विद्यार्थी र बझाङमा भूकम्पबाट एक जनाको निधन भएकोप्रति दुःख व्यक्त गर्दै आज बसेको प्रदेश सभा बैठकले शोक प्रस्ताव पारित गरेको हो ।
रामारोशनमा बढे पर्यटक
रामारोशन अछामको मात्रै नभई सुदूरपश्चिमकै पर्यटकीय तथा धार्मिक क्षेत्र हो । रामारोशन लाई रामे र रोशन नाम गरेका दुई दाजुभाइको नामबाट नाम रामारोशन रहेको किम्बदन्ती रहीआएको छ । एकथरीले यो क्षेत्रमा शिव-पार्वती बस्ने गरेकाले नै रामारोशन नामकरण भएको बताउँदै आएका छन् ।
जङ्गली हात्ती उखुबालीमा पसेपछि ...
बैंकबाट ऋण निकालेर लगाएको उखु बाली जङ्गली हात्तीको बथानले सखाप पारेपछि शुक्लाफाँटा नगरपालिका–६ कसरौलका रामकृष्ण राना निकै चिन्तित हुनुहुन्छ । कृषि विकास बैंकबाट रु १० लाख ऋण निकालेर उहाँले उखुखेती गर्नुभएको थियो ।
‘एक वडा, एक उत्पादनको अभ्यास गर्दै छौँ’
कृषियोग्य जमिन र यातायात सेवाले सुगम मानिएको जोशीपुर गाउँपालिका सुदूरपश्चिम प्रदेशकै सबैभन्दा सानो भूगोल भएको पालिका हो । अधिकांश पालिकावासी कृषिमा आत्मनिर्भर रहेको जोशीपुरको कुल क्षेत्रफल ६५.५७ वर्गकिलोमिटर छ । साबिकका जोशीपुर र बौनियाँ गाविस जोडेर बनेको यस गाउँपालिकामा ७ वडा छन् । वरिपरि छिमेकमा नगरपालिका भए पनि जोशीपुर भने सानो भूगोल भएकै कारण गाउँपालिका भएको बताइन्छ । यस पालिकामा नागरिक उन्मुक्ति पार्टीका अध्यक्ष, उपाध्यक्ष र बहुमत वडाध्यक्ष छन् ।
घाइते अजिङ्गरको उद्धार
कैलालीको टीकापुरमा आहारा खाएर एक किसानको खेतमा बसेको दुर्लभ अजिङ्गर (बर्मेस पाइथन) सर्पको उद्धार गरी प्राकृतिक वासस्थानमा छाडिएको छ ।
एमाले सुदूरपश्चिममा २३ जनाबिच प्रतिस्पर्धा
सुदूरपश्चिम प्रदेशमा नेकपा (एमाले) लाई नेतृत्व गर्न २३ जनाबिच प्रतिस्पर्धा हुने देखिएको छ । पाँच पदाधिकारी चयनका लागि २३ जना प्रतिस्पर्धामा रहनुभएको सो दलले जनाएको छ ।
सरकारी तथा गैरसरकारी निकाय भूकम्पपीडित प्रभावित क्षेत्रमा
बझाङमा केन्द्रबिन्दु बनाई मंगलबारदेखि पटक पटक गएको भूकम्पका कारण जिल्लाका १२ हजार ३४ वटा घर तथा भवनमा क्षति भएको छ ।
सुदूरपश्चिममा स्क्रब टाइफसका एक हजार बढी बिरामी
सुदूरपश्चिम प्रदेशमा भदौ र असोजमा एक हजार एक सय ५२ जना स्क्रब टाइफसका बिरामी भेटिएका छन् । सुदूरपश्चिम प्रदेश स्वास्थ्य निर्देशनालय दिपायलका भेक्टर कन्ट्रोल निरीक्षक हेमराज जोशीका अनुसार सबैभन्दा बढी कैलालीमा चार सय ४० जना स्क्रब टाइफसका बिरामी भेटिएका छन् ।
इजरायलमा नेपाली विद्यार्थीको मृत्युले शोकमा दार्चुलावासी
ठुलो सपना बोकेर इजरायल गएको एक महिना नबित्दै दार्चुलाका दिपेशराज विष्ट र लोकेन्द्रसिंह धामीसहित १० जना नेपाली विद्यार्थी नफर्किनेगरी अस्ताए । परिवारका सदस्यहरू शोकाकुल हुँदा छिमेकी समेत भावविह्वल बनेका छन् ।
घाम लागेपछि किसानले धान भित्र्याउन थाले
कैलालीमा केही दिनदेखि घाम लाग्न थालेपछि किसानहरू धान भित्र्याउन सुरु गरेका छन् । मनसुन अब करिब अन्त्य भएपछि किसानहरू धान भित्र्याउनमा लागेका हुन् ।
एमाले सुदूरपश्चिम अध्यक्षका लागि चार जनाको उम्मेदवारी
नेकपा (एमाले) सुदूरपश्चिम प्रदेश कमिटीको अध्यक्षका लागि चार जनाको उम्मेदवारी परेको छ । धनगढीमा जारी प्रथम प्रदेश अधिवेशनअन्तर्गत मङ्गलबार चार जनाले प्रदेश अध्यक्ष पदका लागि उम्मेदवारी दर्ता गर्नुभएको हो ।
बझाङमा थप भूकम्प मापकयन्त्र जडान
बझाङमा भूकम्प मापकयन्त्र (सेस्मोमिटर) जडान गर्न सुरुआत गरिएको छ ।
सुदूरपश्चिम विश्वविद्यालयमा आज शोक बिदा
इजरायलमा आफ्नो विद्यार्थी मारिएपछि सुदूरपश्चिम विश्वविद्यालयले आज शोक बिदा दिएको छ ।
