२०८० मा नाट्यशाला : रङ्गकर्मी व्यस्त, नाटकघर मस्त
नेपाली नाटकघरको यो वर्ष निकै उत्साहजनक रह्यो । रङ्गकर्मीहरू वर्षभरि नाटक मञ्चनमा सक्रिय देखिए । धेरैजसो थिएटर काठमाडौँ केन्द्रित भएकाले नाटक पनि धेरै मञ्चन भए । नाटकका कथामा विविधता देखियो । मण्डला, सर्वनाम, शिल्पी, कौसी, आरोहण गुरुकुलको कुञ्ज, ओजेस, पुरानोघर, शैली, स्टुडियो नियमित जस्तै नाटक मञ्चन भए । यस वर्ष मञ्चन भएको ‘एउटा सपनाको अवसान’, ‘हिउँभन्दा चिसो’, ‘दमिनी भिर’, ‘मासिन्या’ जस्ता नाटकहरूमा दर्शकको भरिभराउ उपस्थितिले रङ्गमञ्चलाई अझ माथि उठाउन मद्दत ग¥यो ।
सचेतना अभियानमा भण्डारी
‘सापटी काका’ नामले चिनिएका दिवाकर भण्डारी नेपाली हास्य कलाकार हुनुहुन्छ । उहाँले करिब तीन दशकदेखि हास्य टेलिचलचित्रमा काम गरिरहनुभएको छ । हाल उहाँ ‘मेरी बास्सै’ का लेखक, निर्देशक र अभिनेता हुनुहुन्छ । ‘धुन’ नामक टेलिचलचित्रबाट सानो भूमिकाबाट आफ्नो अभिनय यात्रा सुरु गर्नुभएको उहाँले चार लोक युगल एल्बमहरू रिलिज गरिसक्नुभएको छ । उहाँले चलचित्र ‘मेरी गङ्गा’ नामक चलचित्र पनि निर्देशन गर्नुभएको छ ।
मानव सेवा आश्रमको भवन निर्माणका लागि साङ्गीतिक कार्यक्रम
गायिका आनी छोइङ डोल्माले बेलायतमा हुने साङ्गीतिक कार्यक्रममा प्रस्तुति दिनुहुने भएको छ। मानव सेवा आश्रम नेपालको भवन निर्माणका लागि सहयोग जुटाउन हुने साङ्गीतिक कार्यक्रममा उहाँको प्रस्तुति राखिएको हो।
नेपाल चलचित्र सङ्घका अध्यक्ष महर्जनद्वारा केन्द्रीय कार्य समिति गठन
नेपाल चलचित्र सङ्घका अध्यक्ष नरेन्द्र महर्जनले केन्द्रीय कार्यसमिति गठन गर्नुभएको छ ।
‘मनसरा’ को वितरण अधिकार
लेखक तथा निर्देशक उपेन्द्र सुब्बा निर्देशित चलचित्र ‘मनसरा’ को अस्ट्रेलिया तथा मध्यपूर्व प्रदर्शन अधिकार बिक्री भएको छ । सेभेन सिजले चलचित्रको वितरण अधिकार किनेको हो । सेभेन सिजले चलचित्रलाई अस्ट्रेलिया, मध्यपूर्वसँगै अमेरिकामा पनि वितरण गर्ने छ ।
नेपथ्य समूह बिर्तामोडमा
नयाँ वर्ष २०८१ को पहिलो सूर्योदयभन्दा अघिल्लो साँझ नेपथ्य साङ्गीतिक समूह पूर्वी नेपालको बिर्तामोडमा प्रस्तुत हुने भएको छ । झापाका महत्वपूर्ण केन्द्रलाई जोड्ने उदीयमान सहरमा आगामी चैत ३० गते शुक्रबार बेलुकी ब्यान्डका लोकल भाका गुन्जने छन् । नेपथ्यले यस सहरकै प्रमुख खेलकुद आयोजना ‘झापा गोल्डकप’ लाई योगदान दिने उद्देश्यका साथ आफूलाई प्रस्तुत गर्न लागेको हो ।
‘कृष्ण कन्हैया’ भजन बजारमा
‘कृष्ण कन्हैया’ भजन गीत बजारमा आएको छ । गीतकार ज्ञानेन्द्र गदालको शब्द रहेको उक्त भजनमा तृप्ति खड्का गुरुङको सङ्गीत तथा स्वर रहेको छ । भजन काठमाडौँको सारेगम स्टुडियोमा रेकर्ड गरी इटहरीस्थित श्रीकृष्ण प्रणामी मन्दिर परिसरमा यसको म्युजिक भिडियो छायाङ्कन गरिएको छ ।
उडानभित्र सुन तस्करी
तुलनात्मक रूपमा हास्य प्रदान चलचित्रलाई संसारभरि दर्शकले नै धेरै रुचाउने गरेको पाइन्छ । बलिउडमा मात्र नभएर हलिउड र कलिउडमा पनि यो विधाले दर्शकको मन जित्न सफल भएको छ । पैसा कमाउनेदेखि लिएर ठगी गर्नेका विषय समेटिएका हास्य कथा चलचित्रका पर्दामा आइसकेका छन् ।
नयाँ वर्षमा अस्ट्रेलियामा आतसबाजी
विदेशमा रहने नेपालीले आफ्नो अलग पहिचान देखाउने प्रवृत्ति बढ्न थालेको छ । यसै क्रममा अस्ट्रेलियामा बस्ने नेपालीले नयाँ वर्ष २०८१ का अवसरमा आतसबाजी गर्ने भएका छन् । नयाँ वर्षको पहिलो दिन वैशाख १ गते (१३ अप्रिल, २०२४) अस्ट्रेलियाको राजधानी क्यानबेरास्थित लेनक्स गार्डेन्समा आतसबाजीसहित नयाँ वर्ष मनाउन लागिएको जानकारी अस्ट्रेलियास्थित सनातन समाजका अध्यक्ष सन्तोष मल्लले दिनुभयो । अध्ययन, रोजगारलगायत विभिन्न उद्देश्यले अस्ट्रेलिया पुगेका नेपालीको क्यानबेरामा उल्लेख्य बसोबास रहेको छ । अस्ट्रेलियामा लामो समयदेखि थुप्रै नेपाली बस्दै आइरहेका छन् ।
उपाध्यायको नयाँ रेकर्ड
विश्व कीर्तिमानको पहिचान बनाउनुभएका चर्चित साहित्यकार एवं गीतकार डा. डिआर उपाध्यायले २० वटा नयाँ विश्व रेकर्ड राख्नुभएको छ । राजधानीमा आयोजित कार्यक्रममा रक्षामन्त्री हरिप्रसाद उप्रेतीले डा.उपाध्यायलाई उक्त नयाँ विश्व कीर्तिमान रेकर्डका प्रमाणपत्र हस्तान्तरण गर्नुभएको हो । उहाँले साहित्य र सङ्गीतका क्षेत्रमा गर्नुभएको नयाँ उपलब्धीका लागि यस अघि १३३ वटा विश्व रेकर्ड कायम गर्नुभएको दावी गरिएको छ । बिहीबारदेखि २० वटा नयाँ विश्व रेकर्ड थपिएर नेपालमा सबैभन्दा बढी विश्व कीर्तिमान राख्ने व्यक्तिको पहिचान बनाउनुभएको छ ।
‘महाजात्रा’ मनोरञ्जनसँगै सन्देशमूलक
पूर्वप्रधानमन्त्री बाबुराम भट्टराईले चलचित्र ‘महाजात्रा’ मनोरञ्जनसँगै सन्देशमूलक चलचित्र बनेको बताउनुभएको छ । उहाँले मङ्गलबार बेलुकी महाजात्रा हेरेपछि सञ्चारकर्मीसँग कुराकानी गर्दै सो भनाइ राख्नुभएको हो । “देशमा सुशासन, समृद्धिको कुरा गर्छौं तर भ्रष्टाचार र बेथितिले कसरी जरा गाडेको छ भन्ने तथ्यलाई भिन्न शैलीमा चलचित्रमा प्रस्तुत गरिएको छ । नेताहरूले चलचित्र हेरेर मम भन्न सक्नु पर्छ,” पूर्वप्रधानमन्त्री भट्टराईले भन्नुभयो, “राजनीतिज्ञले सत्यलाई स्विकार्नु पर्छ तर परिबन्धमा नपरी सहजै कसैले गल्ती स्वीकार गर्दैनन् । म फिल्म हेरिरहँदा कुनै क्षण भावुक भएँ, केही दृश्यमा आँसु रोक्न सकिनँ । समग्रमा चलचित्र हेरेर आनन्द आयो ।”
-original-thumb.jpg)
मिसेस डिभाको ताज सन्तुलाई
मिसेस डिभा नेपाल २०२४ को ताज कपन काठमाडौँ की सन्तु लामा गुरुङले पहिरिन सफल हुनुभएको छ । राजधानीको म्युजिक सिटी स्टुडियोमा सोमबार अपराह्न सम्पन्न कार्यक्रममा विद्या के.सी. खड्का फस्ट रनर अप तथा पवित्रा श्रेष्ठ सेकेण्ड रनर अप हुन सफल हुनुभएका छ ।
घरज्वाइँमा गाउँले वेशभूषा
अनिल बुढामगरको चलचित्र ‘घरज्वाइँ’ को पोस्टर सार्वजनिक गरिएको छ । केही साताअघि मात्रै रुकुमपूर्वमा छायाङ्कन सकिएको चलचित्र ‘घरज्वाइँ’ को क्यारेक्टर पोस्टर सार्वजनिक गरिएको हो । नायक दयाहाङ राई र नायिका मिरुना मगरको मुख्य भूमिका रहेको चलचित्रको फरक फरक दुई वटा पोस्टर सार्वजनिक गरिएको छ ।
चलचित्रमा दृश्य सम्पादक : काम असल, दाम कमसल
चलचित्र सम्पादन प्राविधिक काम हो । दृश्य सम्पादकले चलचित्र काट्न र जोड्ने कामको कलाकुशलताले मात्र चलचित्रमा निखारता आउँछ । चलचित्रको जति राम्रो नायक, नायिकाको सहभागिता र छायाङ्कन सुन्दर तरिकाले गरे पनि दृश्य सम्पादनको काम गुणस्तरीय हुन सकेन भने कथाकारले सोचे जस्तो अनि निर्देशकले कल्पना गरे जस्तो चलचित्र नबन्न सक्ने सम्भावना उत्तिकै रहने गर्छ । चलचित्रका पटकथा, गीत, सङ्गीत जति मिलेका र जनजिब्रोमा झुन्डिने खालका भए पनि उपयुक्त स्थानमा उपयुक्त दृश्य राख्न नसकिएको खण्डमा चलचित्र चाहे अनुसार उत्कृष्ट बन्न नसक्ने चुनौती सधैँ रहने गर्छ । त्यसैले चलचित्रको अन्तिम नायक, कलाकार अनि गीतकार नै दृश्य सम्पादक हो भन्दा फरक पर्दैन तर तिनै प्राविधिक व्यक्तिले पाउने सेवासुविधा भने निकै कम भएको गुनासो आउन थालेको छ । चलचित्र सम्पादन कलाको विशिष्ट रूपमध्येको एक भएको चलचित्र सम्पादक रजनीनाथ पन्त बताउनुहुन्छ ।
देशभक्तिको कथा ‘योद्धा’
‘शेरशाह’, ‘फाइटर’ जस्ता देशभक्ति र भारतीय सेनाको साहस र वीरतामा आधारित चलचित्र अहिले धेरै बन्न थालेका छन् । चलचित्र ‘योद्धा’ पनि देशभक्तिमै केन्द्रित छ । यस चलचित्रको कथा आफ्नो बुवा जस्तै देशका लागि केही गर्न चाहने भारतीय सैनिकको हो । अरुण कटियाल आफ्ना बुवा सुरेन्द्र कटियालले सुरु गरेको ‘योद्धा’ को समूहका बहादुर अधिकारी हुन् । जब उनी देशको सबैभन्दा ठुला वैज्ञानिकसँग सुरक्षाका लागि उडानमा जान्छन्, त्यसपछि उनको अपहरण हुन्छ । उनीहरूलाई उद्धार गर्दा अरुण र अन्य सैनिकबिच केही अलमल हुन्छ । अपहरणकर्ताले वैज्ञानिकको हत्या गरिदिन्छन् । उक्त हत्याको दोष योद्धाको सिपाहीका फोर्समा पर्छ । अरुण आफ्नो बुवाले बाँकी राखेका सबै काम गर्न चाहन्छन् । केही वर्षपछि फेरि यस्तै घटना दोहोरिन्छ । अरुण फेरि योजना बनाएर दिल्लीबाट लन्डनको उडानमा चढ्छन् । त्यसपछि उनको फोनमा उडानको फेरि अपरहण हुन लागेको हो भने सन्देश आउँछ । यस्तो परिस्थितिमा अरुणको हातमा कस्ता कुरा आउँछ भने भारतीय सरकारका जनताले उनलाई अपहरणकर्ता ठान्छन् । चलचित्रमा भारत–पाक कोण पनि देखाइएको छ ।
‘दिल रोएको बेला’ सार्वजनिक
सङ्गीतकार लक्ष्मण पोखरेलको सङ्गीतमा निकै नै मर्मस्पर्शी कर्णप्रिय गीत दिल रोएको बेला सार्वजनिक भएको छ ।
‘सङ्गीतले अझै गम्भीर बनायो’
सानैदेखि गीत सङ्गीतमा रुचि राख्नुहुने रोल्पाको लुङ्ग्री गाउँपालिका–६ का लोकबहादुर रसाइली नायक राजेश हमालबाट प्रेरित भएर कलाकारिता क्षेत्रमा लागेको बताउनुहुन्छ । दुई दर्जन गीतमा मोडलिङ तथा आधा दर्जन गीत गाइसक्नुभएका उहाँले २०६७/६८ सालमा काठमाडौँ आएर म्युजिक भिडियोबाट अभिनय यात्रा सुरु गर्नुभएको थियो ।
विदेशमा थ्रिडी, नेपालमा टुडी चलचित्र
हलिउडमा मूलधारका चलचित्र थ्रिडीमा निर्माण हुने गरेका छन् तर बलिउड र कलिउडमा भने अझै निर्देशक÷निर्माताले थ्रिडी चलचित्र निर्माणमा खासै आँट गर्न सकेको देखिँदैन । बलिउडमा छोटा चेतन, हन्टेड, रावन, डन २ जस्ता चलचित्र थ्रिडीमा बने तर खासै चर्चा बटुल्न भने सकेन । नेपाली चलचित्र पनि थ्रिडीमा खासै चलचित्र निर्माण भएका छैनन् । दीपेन्द्र के खनाल निर्देशित चलचित्र ‘भिजिलान्ते’ थ्रिडीमा निर्माण भएको एक मात्र चलचित्र हो तर सो पनि चलचित्रले खासै सफलता हात पार्न सकेन ।
तेस्रो नेपाल ग्रामीण चलचित्र महोत्सव
तेस्रो नेपाल ग्रामीण चलचित्र महोत्सव रामेछाप जिल्लामा हुने भएको छ । रामेछापको पुरानो सदरमुकामसमेत रहेको रामेछाप नगरपालिका–८, रामेछाप बजारमा आगामी वैशाख ६, ७ र ८ गते तीन दिन ग्रामीण चलचित्र महोत्सव हुन लागेको हो । महोत्सवको आयोजक संस्था सेलिब्रेटी नेपालले बुधबार सदरमुकाम मन्थलीमा पत्रकार सम्मेलन गरी महोत्सव आयोजना बारे जानकारी दिएको हो । पत्रकार सम्मेलनमा आयोजक संस्था सेलिब्रेटी नेपालका अध्यक्ष रघुनाथ सापकोटाले तीन दिन हुने महोत्सवमा २४ वटाभन्दा बढी चलचित्र निःशुल्क प्रदर्शन गरिने बताउनुभयो ।
विदेशी चलचित्र महोत्सवमा नेपाली चलचित्र
पछिल्लो समय नेपाली कथा, परिवेशमा निर्माण भएका लघु चलचित्रले स्वदेशमा मात्र नभएर विदेशी बजार र दर्शकबिच पनि चर्चा कमाउन थालेका छन् । ‘नुमाफुङ’ र ‘मुकुन्डो’ ले अन्य चलचित्रलाई विदेशी चलचित्र महोत्सवमा जान सहज बाटो बनाइदिएका थिए । यसपछि ‘कालो पोथी’, ‘सेतो सूर्य’, ‘हाइवे’, ‘डाइङ क्यान्डल’, ‘बुलबुल’ ‘हल्कारा’ लगायत केही लघु चलचित्र विभिन्न अन्तर्राष्ट्रिय चलचित्र महोत्सवमा छनोट भइसकेका छन् । यीमध्ये ‘कालो पोथी’ र ‘सेतो सूर्य’ ले विदेशी चलचित्र महोत्सवमा पुगेर नेपालमा राम्रो चर्चासमेत कमाएको थियो ।
मिस नेपाल २०२४ प्रतियोगिताको आवेदन खुला
द हिडन ट्रेजरले मिस नेपाल २०२४ प्रतियोगिताको आवेदन खुला गरेको छ । यस प्रतियोगिताका लागि नेपाली इच्छुक युवतीलाई आवेदन दिन आमन्त्रण गरिएको छ ।
राम्रो चलचित्र महाजात्रा : अध्यक्ष ओली
नेपाल कम्युनिस्ट पार्टी (एमाले) का अध्यक्ष तथा पूर्वप्रधानमन्त्री केपी शर्मा ओलीले महाजात्रा चलचित्र राम्रो चलचित्र भएको टिप्पणी गर्नुभएको छ । सुन्धारास्थित सिने डी सेफमा श्रीमती राधिका शाक्यसहित चलचित्र हेर्न पुग्नुभएका ओलीले यस्तो कुरा बताउनुभएको हो । चलचित्र हेरिसकेपछि उहाँले प्रतिक्रिया दिँदै भन्नुभयो, “चलचित्रलाई १० मा १० अङ्क दिन केही राजनीतिका विषयले रोक्यो, त्यस कारण ०.५ घटाएँ ।” उहाँले चलचित्रमा राम्रो सन्देश दिने कथा र त्यसलाई सम्प्रेषण गर्ने अभिनय चाहिन्छ, यी दुवै पक्ष महाजात्रामा सशक्त भएको टिप्पणी गर्नुभयो । अध्यक्ष ओलीसँगै ईश्वर पोखरेल, शङ्कर पोखरेल, प्रदीप ज्ञवाली, रघुजी पन्त, कोमल ओलीलगायतका ४० नेताले चलचित्र हेर्नुभएको थियो ।
विश्व रङ्गमञ्च दिवस : रङ्गमञ्चमा आर्थिक सङ्कट कहिलेसम्म
आज मार्च २७ अर्थात् विश्व रङ्गमञ्च दिवस । सन् १९६१ देखि अन्तर्राष्ट्रिय रङ्गमञ्च इन्स्टिच्युटले यो दिवस मनाउन थालेको हो । ‘शान्तिका लागि कला’ भन्ने मूल नारासहित मनाउन लागिएको यो दिवसले रङ्गकर्मीलाई अझै पनि खासै छुन सकेको छैन । पछिल्लो समय युवा पुस्ताको आकर्षण रङ्गमञ्चमा बढ्दै गए पनि रङ्गमञ्चलाई भविष्यको बाटो बनाएर हिँडेका रङ्गकर्मीको आर्थिक अवस्था भने अझै सुधार हुन सकेको छैन । नाटकमा अभिनय गरेर मात्रै गुजारा चलाउन सक्ने अवस्था अझै पनि बन्न सकेको छैन ।
पौडेल बनिन् मिस ई कलेज विजेता
सिजन मिडियाद्वारा आयोजना गरिएको ११ औं संस्करणको मिस ई कलेज २०२४ को विजेता आरजु पौडेल हुनुभएको छ ।
नेपालको एनिमेसन पहिलो चलचित्र सलिनाको ट्रेलर सार्वजनिक
चैत १६ गते शुक्रबार नेपालका व्यवसायीक सिनेमा घरमा नेपालकै पहिले एनिमेसन चलचित्र सलिना प्रदर्शन हुँदैछ।
