.jpg)
शिक्षा क्षेत्रका समस्या समाधान गर्न सङ्घीय शिक्षा ऐन आउनुपर्छ : मन्त्री चौधरी
महिला, बालबालिका तथा ज्येष्ठ नागरिक मन्त्री भगवती चौधरीले शिक्षा क्षेत्रका तमाम समस्याको समाधान गर्न सङ्घीय शिक्षा ऐन तत्काल आउन आवश्यक रहेको बताउनुभएको छ ।
‘योग अमूर्त सम्पदा हो, यसलाई परिष्कृत गर्दै लैजानुपर्छ’
योग अमूर्त सम्पदा भएको भन्दै यसलाई अझ परिष्कृत गर्दै लैजानुपर्नेमा सरोकारवालाहरूले जोड दिएका छन् । त्रिभुवन विश्वविद्यालय केन्द्रीय संस्कृत विभाग योगविज्ञान अधिस्नातक २०७९ विद्यार्थीद्वारा आयोजित गुरुवर्ग, संस्कृत केन्द्रीय विभाग तथा ललितपुर महानगरपालिकालाई धन्यवाद ज्ञापन कार्यक्रममा धारणा राख्दै वक्ताहरूले योगको आशय आफूसहित अरूलाई सुखी राख्ने भएको बताएका छन् ।
विद्यालय सार्ने विवाद,दिनप्रतिदिन विद्यार्थी घट्दै
पूर्वी सुर्खेतको सिम्ता गाउँपालिका–९, खानीखोलाको मुङ्ग्रेमा रहेको नेपाल राष्ट्रिय प्राथमिक विद्यालयको भवन डेढ वर्षअघिको पहिरोका कारण चिरा चिरा परेको छ । कक्षाकोठा पहिरोले चर्किएपछि दुर्घटना हुन सक्ने जोखिमले कर्णाली प्रदेश सरकारले नयाँ भवन बनाउन बजेट पनि दियो तर विद्यालय सार्ने विषयमा विवाद हुँदा बजेट फिर्ता जाने सम्भावना बढ्नुका साथै विद्यार्थी पनि घट्दै गएका छन् ।
राज्यकोषबाट सुविधा लिनेले छोराछोरी सामुदायिक विद्यालयमा पढाउनुपर्ने
पश्चिम नवलपरासीको बर्दघाट नगरपालिकाले पालिकाबाट सेवासुविधा लिने कर्मचारी तथा शिक्षकले आफ्ना छोराछोरीलाई सामुदायिक विद्यालयमा पढाउनुपर्ने अभियान सञ्चालन गरेको छ । नगरपालिकाले सामुदायिक विद्यालयको गुणस्तर सुधारका लागि यस्तो अभियान सञ्चालन गरेको हो ।
खाली हात अवकास पाएका कार्यालय सहयोगीलाई विद्यार्थीले गरे आर्थिक सहयोग
अनिवार्य अवकाश पाएका विद्यालयका कार्यालय सहयोगीलाई भूतपूर्व विद्यार्थीले नगदसहित बिदाइ गरेका छन्। ४० वर्ष अस्थायीरुपमा काम गरेका कर्मचारीलाई भूतपूर्व विद्यार्थीले चार लाख ६८ हजार ७ सय ११ रुपैयाँ रकमसहित बिदाइ गरेका हुन्।
शैक्षिक गुणस्तर सुधार्न पर्वतका पालिका सक्रिय
पर्वतका सामुदायिक विद्यालयको गुणस्तर खस्किँदै गएको छ । विद्यार्थी दिनप्रतिदिन सामुदायिक विद्यालय छाडेर निजी विद्यालयतर्फ आकर्षित भएका छन् । यसले ग्रामीण क्षेत्रका सामुदायिक विद्यालयमा विद्यार्थीको सङ्ख्या न्यून हुँदै गएको छ ।
स्वच्छ वातावरणमा पढ्न पाउने अधिकार सुनिश्चित गर्न आग्रह
स्कुले बालबालिकालाई स्वच्छ वातावरणमा बाँच्न पाउने अधिकार सुनिश्चित गर्न यस क्षेत्रका विज्ञले सरकारसँग माग गर्नुभएको छ।
राष्ट्रिय परीक्षा बोर्डको उत्तरपुस्तिकासहित चार पक्राउ
जिल्ला प्रहरी परिसर काठमाडौँको टोलीले राष्ट्रिय परीक्षा बोर्डको उत्तरपुस्तिकासहित चार जनालाई पक्राउ गरी आज सार्वजनिक गरेको छ ।
विद्यालय शिक्षा र उच्च शिक्षाबिचको खाडल अन्त्य गरिने
शिक्षा विज्ञान तथा प्रविधिमन्त्री सुमना श्रेष्ठले विद्यालय शिक्षा र उच्च शिक्षाबिच ठुलो खाडल रहेकाले उक्त खाडललाई अन्त्य गर्ने गरी कार्य प्रारम्भ गरेको बताउनुभएको छ ।
इनरुवाका प्रत्येक विद्यालयमा बाल क्लब
सुनसरीको इनरुवा नगरपालिकाले सबै वडामा बाल क्लब गठन गर्ने अभियान जारी राखेको छ । इनरुवा नगरपालिकाका महिला, बालबालिका तथा ज्येष्ठ नागरिक शाखाको अगुवाइमा सबै वडामा बाल क्लब गठनको अभियान चलाएको हो ।
विद्यार्थीलाई संस्कार सिकाउन आवश्यक
बालबालिकालाई असल संस्कार सिकाउने उद्देश्यले देववाणी संस्कृत तथा साधारण माध्यमिक विद्यालय पाल्पामा आमाको मुख हेर्ने दिनमा आमा सम्मान कार्यक्रम सम्पन्न गरेको छ । आमाको महत्व र संंस्कारलाई संरक्षण गर्ने उद्देश्यले कार्यक्रमको आयोजना गरिएको हो ।
त्रिविमा सङ्घीयताअनुरूप पुनःसंरचनाको गृहकार्य
त्रिभुवन विश्वविद्यालयलाई सङ्घीयताको ढाँचाअनुरूप पुनःसंरचना गरिने भएको छ । विश्वविद्यालयका विगतका कार्ययोजना र उपकुलपति प्रा डा केशरजङ्ग बरालको सोचपत्रबमोजिम पुनःसंरचनाको गृहकार्य थालिएको हो ।
चिकित्सा शिक्षामा छात्रवृत्ति, व्ययभार घटाउन उपाय खोजिँदै
सरकारी शिक्षण संस्थामा चिकित्सा शिक्षा अध्ययन गर्ने विद्यार्थीलाई छात्रवृत्ति उपलब्ध गराउँदा चर्को आर्थिक व्ययभार पर्न थालेपछि शिक्षा, विज्ञान तथा प्रविधि मन्त्रालयले विकल्पबारे छलफल सुरु गरेको छ । यसबाट सरकारी कोषमा परेको आर्थिक व्ययभारलाई न्यूनीकरणका विषयमा अध्ययन गरेर सरकारलाई सुझाव दिन कार्यदल गठन गर्ने निर्णय मन्त्रालयले गरेको छ । सरकारले अहिले चिकित्सा शिक्षा अन्तर्गत स्नातक र स्नातकोत्तर तहमा अध्ययन गर्ने विद्यार्थीलाई छात्रवृत्ति प्रदान गर्दै आएको छ ।
शैक्षिक गुणस्तर वृद्धि गर्न उत्प्रेरणा तालिम
गुल्मीको इस्मा गाउँपालिका-२ छल्दीमा रहेको पालुखा माध्यमिक विद्यालयले शैक्षिक गुणस्तर वृद्धि गर्न उत्प्रेरणा तालिम गराएको छ । विद्यालयले शिक्षक, विद्यार्थी र अभिभावकलाई उत्प्रेरणा तालिम गराएको हो ।
सामुदायिक विद्यालयमा व्यवस्थापनकै समस्या
दाङको राप्ती गाउँपालिका-५ पहरुवास्थित बालकल्याण आधारभूत विद्यालयको कक्षा ७ को बोर्ड (कालोपाटी) फुटेको तीन वर्ष भयो । १२ वर्षअघि खरिद गरेको त्यो बोर्ड फुटेको तीन वर्ष हुँदा पनि नयाँ ल्याइएको छैन ।
गम्भीर तथा घातक रोगका बिरामीबाहेक सबै शिक्षकका काज फिर्ता गरिने
शिक्षा, विज्ञान तथा प्रविधि मन्त्रालयले गम्भीर तथा घातक रोग लागेर उपचाररतबाहेक सामुदायिक विद्यालयका सबै शिक्षकको काज फिर्ता गर्ने निर्णय गरेको छ ।
जापानको सहयोगमा विद्यालय भवन निर्माण
सहिद लखन गाउँपालिका–८ बुङ्कोटस्थित रामेश्वरी माध्यामिक विद्यालयको चारकोठे पक्की भवन निर्माण सम्पन्न भएको छ । जापान सरकारको आर्थिक सहयोगमा करिब रु दुई करोड ८९ लाख लागतमा विद्यालय भवनसहितको संरचना निर्माण गरिएको विद्यालय व्यवस्थापन समितिका अध्यक्ष ज्ञानबहादुर रम्तेलले जानकारी दिनुभयो ।
खोटाङका सामुदायिक विद्यालयमा जीवनोपयोगी शिक्षा अभियान
दिक्तेल रुपाकोट मझुवागढी नगरपालिकाले सामुदायिक विद्यालयमा ‘जीवनोपयोगी शिक्षा अभियान’ सुुरु गरेको छ । पन्ध्र वडा रहेको यो नगरपालिकाले हरेक मङ्गलबार नगरपालिका क्षेत्रमा सञ्चालित सबै सामुदायिक विद्यालयमा अभियान सुरु गरेको हो ।
कैलालीको सामुदायिक विद्यालयमा विद्यार्थी भर्ना दरमा वृद्धि
अङ्ग्रेजी माध्यममा पठनपाठन हुन थालेपछि बढेको आकर्षणसँगै कैलालीका सामुदायिक विद्यालयमा विद्यार्थी भर्ना दर बढेको छ ।
काठमाडौं विश्वविद्यालयले सञ्चार-ढाँचाको विषयमा गोष्ठी गर्ने
काठमाडौं विश्वविद्यालय (केयू) को भाषा तथा आमसञ्चार विभागले एक अन्तर्राष्ट्रिय सङ्गोष्ठी आयोजना गर्ने भएको छ।
त्रिवि पत्रकारिता विभागको प्रमुखमा प्रा.पोखरेल
त्रिभुवन विश्वविद्यालयको पत्रकारिता तथा आमसञ्चार केन्द्रीय विभागको प्रमुखमा प्रा.प्रवलराज पोखरेल नियुक्त हुनुभएको छ ।
सामुदायिक विद्यालयमा अङ्ग्रेजी माध्यमबाट पढाइ
धनुषाको मिथिला नगरपालिका–९, बेंगाडाबरमा रहेको सार्वजनिक नमुना माध्यमिक विद्यालयले विद्यार्थी टिकाउन अंग्रेजी माध्यमबाट पढाउन थालेको छ ।
दुर्गमको विद्यालयमा बस सेवा
भारतीय दूतावासद्वारा गाउँपालिकालाई सहयोगस्वरुप उपलब्ध भएको उक्त बस गाउँपालिकाले विद्यालयलाई प्रदान गरेपछि विद्यालयले त्यसलाई सञ्चालनमा ल्याएको हो ।
एउटै विद्यालयमा दुई जना प्रधानाध्यापक
झापाको कमल गाउँपालिकामा एक माध्यमिक विद्यालयमा २ जना निमित्त प्रधानाध्यापक भएपछि प्रशासनिक काम र विद्यार्थी भर्ना अभियान नै प्रभावित भएको पाइएको छ । कमल गाउँपालिकाकै ठुलो सामुदायिक विद्यालयहरू मध्येको एकमा पर्ने श्री वाणी माध्यमिक विद्यालयमा २ जना निमित्त प्रधानाध्यापक भएपछि यसका असर विद्यालय भर्ना अभियानमा समेत परेको पाइएको हो ।
दिवा खाजा खाँदै विद्यार्थीहरु
दाङको राप्ती गाउँपालिका १ स्थित राप्ती गंगा प्राथमिक विद्यालयका विद्यार्थीलाई दिवा खाजामा मकै दिँदै विद्यालयकी कर्मचारी विष्णु पाण्डे ।
