विद्यार्थीद्वारा त्रिविमा तोडफोड
परीक्षा सञ्चालनक्रममा लापरबाही गरेको आरोप लगाउँदै विद्यार्थीले सोमबार त्रिभुवन विश्वविद्यालयमा तोडफोड गरेका छन् । त्रिविले नेपाल कम्युनिस्ट पार्टी (एकीकृत समाजवादी) निकट विद्यार्थी सङ्गठन अनेरास्ववियुको नेतृत्वमा गएका विद्यार्थीले तोडफोड गरेका हुन् । उनीहरूले उपकुलपति कार्यालयभित्र पसेर कुर्सी, सोफा तथा टेबुल फुटाइदिएका छन् । आक्रमणबाट झ्यालका केही सिसा पनि फुटेका छन् ।
दमक नगरपालिकाको नगर सभामा विवाद
झापाको दमक नगरपालिकाको ११ औ नगरसभाको दोस्रो वैठकमा नीति तथा कार्यक्रम र बजेटको बिषयमा छलफल हुँदा विवाद सिर्जना भएको छ । सोमबार दिउँसो नगर सभा बसेको केही समयपछि शुरु भएको विवाद आधा घण्टाभन्दा बढी चलेको थियो ।
विद्यालयमा ब्रोडब्याण्ड इन्टरनेट सेवा जडान हुने
नाँम्खा र सिमकोट गाउँपालिकाका तीसवटा आधारभुुत विद्यालयलाई फोरजी ब्रोडब्याण्ड इन्टरनेट सेवा जडान हुने भएको छ । नेपाल टेलिकमको ग्रामीण दुर सञ्चार कार्यक्रम अन्तर्गत उक्त इन्टरनेट सेवा जडानका लागि सामग्री विद्यालयलाई हस्तान्तरण गरिएका हो ।
सोलुखुम्बु बन्याे ५८ औँ साक्षर जिल्ला
सोलुखुम्बुलाई ५८ औँ साक्षर जिल्ला घोषणा गरिएको छ । ‘साक्षर नेपाल, समृद्धिको आधार, साक्षर सोलुखुम्बु हाम्रो गौरव, हामी सबैको प्रणः सार्वजनिक शिक्षा प्रणालीको सवलीकरण’ भन्ने नाराका साथ जिल्लाका १५ देखि ६० वर्ष उमेर समूहको ९६.७३ प्रतिशत नागरिक साक्षर भएपछि घोषणा गरिएको हो ।
निःशुल्क सेनेटरी प्याड, गुनासो सुन्ने टोल फ्रि र महिला सेल व्यवस्था गर्न माग
किशोरीलाई महिनावारी हुँदा सरकारी सबै कार्यालयहरु र सार्वजनिक स्थानहरुमा समस्या आउने गरेको भन्दै निःशुल्क रुपमा सेनेटरी प्याडको व्यवस्था गर्न माग गरिएका छन् ।
विद्यार्थीसँग छैन अझै पाठ्यपुस्तक
नयाँ शैक्षिक सत्र सुरु भएको दुई महिना बित्नै लाग्दा सुदूरपश्चिम प्रदेशका धेरैजसो विद्यार्थीका हातमा पाठ्यपुस्तक पुग्न सकेको छैन । जनक शिक्षा सामग्री केन्द्र लिमिटेड क्षेत्रीय कार्यालय धनगढीले आवश्यकतानुसार पुस्तक उपलब्ध गराउन नसकिएको जनाएको छ । पुस्तक तथा स्टेसनरी व्यवसायी महासङ्घ सुदूरपश्चिमका अनुसार एक शैक्षिक सत्रमा प्रदेशभरि २० लाख थान पाठ्यपुस्तक आवश्यक पर्छ तर अझै ४० प्रतिशत पुस्तक अभाव रहेको जनाइएको छ ।
सुदूरपश्चिममा अझै विद्यार्थीको हातमा पुगेन पुस्तक
नयाँ शैक्षिकसत्र सुरु भएको दुई महिना बित्नैलाग्दा सुदूरपश्चिम प्रदेशका धेरैजसो विद्यार्थीको हातमा अझै पाठ्यपुस्तक पुग्न सकेको छैन । जनक शिक्षा सामग्री केन्द्र लिमिटेड क्षेत्रीय कार्यालय धनगढीले यहाँको आवश्यकतानुसार किताब उपलब्ध गराउन नसक्दा विद्यार्थीको हात खाली रहेको बताएको छ ।
त्रिभुवन विश्वविद्यालयको साखलाई बचाइराख्नु सबैको जिम्मेवारी : प्रधानमन्त्री देउवा
प्रधानमन्त्री शेरबहादुर देउवाले त्रिभुवन विश्वविद्यालयको साखलाई बचाइराख्नु सबैले जिम्मेवारीपूर्ण भूमिका निर्वाह गर्न आवश्यक रहेको बताउनु भएको छ ।
सामुदायिक विद्यालयका विद्यार्थीलाई शैक्षिक सामग्री
स्याङ्जाका ११ सामुदायिक विद्यालयका एक हजार २५९ विद्यार्थीलाई शैक्षिक सामग्री वितरण गरिएको छ ।