कोशी, लुम्बिनी, कर्णाली र सुदूरपश्चिम प्रदेशमा वर्षाको सम्भावना
हाल देशभर मनसुनी वायुको प्रभाव कायमै रहेको छ । जल तथा मौसम विज्ञान विभाग, मौसम पूर्वानुमान महाशाखका अनुसार कोशी, लुम्बिनी, कर्णाली र सुदूरपश्चिम प्रदेशमा साधारणतया बदली रही बाँकी भागमा आंशिक बदली रहनेछ ।
‘नारायणगढ–मुग्लिन सडक र पृथ्वी राजमार्गमा अवरोध छैन’
नारायणगढ–मुग्लिन सडक र पृथ्वी राजमार्गमा आज बिहान ६ बजेबाट यातायात सेवा पूर्ववत् सञ्चालनमा आएका छन् ।
काठमाडौंका सबै प्रकारका कार्यालय आजबाटै खुल्ने
काठमाडौं जिल्लाका सबै प्रकारका कार्यालय आज सोमबारबाट खुल्ने भएका छन् ।
सप्तकोसी नदीमा पानीको बहाव पाँच लाख ३३ हजार क्युसेक
पूर्वीपहाडी तथा तराईका जिल्लामा लगातार भएको वर्षाका कारण सप्तकोसी नदीमा पानीको बहाव उच्च भएको छ।
अलपत्र यात्रु उद्धारका लागि नेपाल एयरलाइन्सले भैरहवाबाट काठमाडौँ उडान गर्ने
अबिरल वर्षाको कारण अलपत्र परेका यात्रुलाई सहयोग गर्नेगरी नेपाल एयरलाइन्सले भैरहवा काठमाडौं चार्टड उडान गर्ने भएको छ।
आवागमन एकतर्फी खुला गर्ने प्रशासनको निर्णय
जिल्ला प्रशासन कार्यालय काठमाडौंले सवारी आवागमन एकतर्फी रुपले खुला गर्ने निर्णय गरेको छ । प्रशासनले सूचना जारी गर्दै विभिन्न ठाउँमा पहिरो पन्छाएर एकतर्फीरुपमा सवारी सञ्चालनको तयारी भइरहेकाले धादिङ, चितवन, मकवानपुर र नुवाकोट प्रशासनको सूचनाका आधारमा ती जिल्लामा आवागमन एकतर्फी रूपमा खुला गर्ने निर्णय गरेको हो।
बाढी पहिरोमा परी मृतकको सङ्ख्या ४९ पुग्यो, सात बेपत्ता
बाढी पहिरोमा परी ज्यान गुमाउनेको सङ्ख्या ४९ पुगेको छ । सशस्त्र प्रहरीले दिएको जानकारी अनुसार पछिल्लो अपडेटअनुसार मृतकको संख्या ४९ पुगेको हो । उद्धार कार्य जारी रहेकाले मृतकको संख्या अझै बढ्न सक्ने डिएसपी तथा सहप्रवक्ता शैलेन्द्र थापाले जानकारी दिनुभयो ।
इलाममा ज्यान गुमाउनेको सङ्ख्या ३७ पुग्यो, ४ बेपत्ता
गए राति अविरल वर्षासँगै आएको बाढी पहिरोका कारण इलाममा ज्यान गुमाउनेको सङ्ख्या ३७ पुुगेको छ । चार जना बेपत्ता भएका छन् ।
सप्तरीको सप्तकोशीमा ६० घरपरिवार डुबानमा
सप्तरीको सप्तकोशी नगरपालिका–६ बोचहीका ६० घर परिवार डुबानमा परेको छ। त्रियुगा नदीको बाढी सो बस्तीमा पसेपछि डुबानमा परेको हो ।
दुई दिनको वर्षाले आएको विपत्तिमा ३९ जनाको ज्यान गयो
शनिबार र आइतबार दुई दिनसम्म परेको अविरल वर्षाका कारण अहिलेसम्म ३९ जनाको ज्यान गइसकेको सशस्त्र प्रहरीको तथ्याङ्कले देखाएको छ । तथ्याङ्क अनुसार ११ जना बेपत्ता र १३ जना घाइते भएका छन् ।
पहिरोमा पुरिएर इलाममा १८ बढीको मृत्यु
इलाम जिल्लाका ६ स्थानमा पहिरोमा पुरिएर १८ जनाको मृत्यु भएको छ ।
पहिरोमा पुरिएर इलाममा १४ जनाको ज्यान गएको आशङ्का
इलाममा पहिरोमा परेर कम्तीमा १४ जनाको मृत्यु भएको छ । जिल्लाको विभिन्न स्थानमा गए रातिको बाढी पहिरोमा पुरिएर मृत्यु भएको पाइएको हो ।
बिचैमा रोकिएका गाडी चितवनबाट काठमाडौं पठाइयो
चितवनको मुग्लिन नारायणगढ सडक खण्डको तुइनखोला पहिरो पन्छाएर सवारी साधन सञ्चालनमा ल्याइएको छ ।
चट्याङ लागेर रौतहटमा दुई जनाको मृत्यु
चट्याङ लागेर रौतहटमा दुई जनाको मृत्यु भएको छ । जिल्ला प्रहरी कार्यालय रौतहटका अनुसार शनिवार साँझ अन्दाजी साढे ६ बजेको समयमा चट्याङ लागेर कटहरिया नगरपालिका –२ हथियाही बस्ने इसु मिया लहेरीको नाति मरुलाल लहेरीको छोरा १७ बर्षीय सेराज लहेरी र सोहि ठाउँका पनिलाल यादवको नाति रामधेनु यादवको छोरा १६ बर्षीय नबीन यादवको ज्यान गएको हो ।
अविरल वर्षाका कारण देशभरका छ सडकमा आवागमन रोकियो
शुक्रबार रातिदेखिको अविरल वर्षाका कारण पहिरो आउँदा देशभरका छ स्थानका सडकमा आवतजावत रोकिएको छ ।
उपत्यकाको नदी किनारमा साँझ ६ बजेदेखि सवारी आवागमनमा रोक
राष्ट्रिय विपद् जोखिम न्यूनीकरण तथा व्यवस्थापन प्राधिकरणले काठमाडौँ उपत्यकाका नदी खोला किनारका सडक (करिडर सडक) मा साँझ ६ः०० देखि भोलि बिहान ६ः०० बजेसम्म सवारी आवागमनमा रोक लगाउन आग्रह गरेको छ ।
देशभर असोज १९ र २० गते सार्वजनिक बिदा
सरकारले यही असोज १९ र २० गते सार्वजनिक बिदा दिने निर्णय गरेको छ । विपद् व्यवस्थापन र अत्यावश्यक सेवासँग सम्बन्धित कार्यालयबाहेक नेपाल राज्यभर सार्वजनिक बिदा दिने निर्णय भएको हो।
त्रिभुवन अन्तर्राष्ट्रिय विमानस्थलका आन्तरिक उडान स्थगन
बिहानदेखिको अविरल वर्षाका कारण त्रिभुवन अन्तरराष्ट्रिय विमानस्थलका आन्तरिकतर्फका उडानहरू स्थगन गरिएका छन् ।
धनगढीबाट हिँडेको बस बनकसबासमा दुर्घटना, २२ जना घाइते
जिल्लाको शिवराज नगरपालिका १, बनकसबासस्थित पूर्व–पश्चिम राजमार्गमा बस दुर्घटना भएको छ । दुर्घटनामा परी २२ जना घाइते भएका छन् ।
मोटरसाइकल ठोक्किँदा दुई जनाको मृत्यु, दुई घाइते
सप्तरीको खडक नगरपालिका ११ बनौलीस्थित हुलाकी सडक खण्डमा दुई मोटरसाइकल एकआपसमा ठोक्किँदा दुई जनाको मृत्यु भएको छ । दुई जना घाइते भएका छन् ।
राजमार्ग अवरुद्ध हुने सम्भावना उच्च, विभागले दियो सम्पर्क नम्बर
भौतिक पूर्वाधार तथा यातायात मन्त्रालयअन्तर्गतको सडक विभागले असोज १८ देखि २० गतेसम्म मनसुन सक्रिय रहने र भारी वर्षासँगै सडक अवरुद्ध हुने सम्भावना रहेको भन्दै सचेत रहन अनुरोध गरेको छ ।
आज देशभर मौसम बदली रहने : केही स्थानमा भारी वर्षाको सम्भावना
हाल देशभर बङ्गालको खाडीबाट आएको जलवाष्प युक्त हावा (मनसुनी वायुको) प्रभाव रहेको छ । आज दिउँसो देशभर साधारणतया बदली रहने मौसम पूर्वानुमान महाशाखाले जनाएको छ ।
विश्वकप छनोट खेल्ने नेपाली क्रिकेट टिमको घोषणा
नेपाल क्रिकेट संघ क्यानले २०२६ को टी-२० विश्वकप खेल्ने एसिया तथा इस्ट एसिया प्यासिफिक छनोटका लागि नेपाली राष्ट्रिय टोली घोषणा भएको छ।
दुई समुदायबीच विवाद भएपछि जनकपुरको रुपैठामा निषेधाज्ञा
जिल्ला प्रशासन कार्यालय धनुषाले जनकपुरको रुपैठाको चारैतर्फ निषेधाज्ञा जारी गरेको छ । जनकपुरधाम उपमहानगरपालिका वडा नम्बर २० रुपैठामा दुई समुदायबीच तनाव बढेपछि निषेधाज्ञा जारी गरिएको हो ।
शनिबार र आइतबार मनसुनी वायु सक्रिय, सोमबारदेखि सुधार
जल तथा मौसम विज्ञान विभागअन्तर्गत मौसम पूर्वानुमान माहाशाखाले शनिबार र आइतबार मनसुनी वायु थप बढी सक्रिय हुँदा मुलुकका केही स्थानमा भारी वर्षाको सम्भावना रहेको भन्दै उच्च सतर्कता अपनाउन अनुरोध गरेको छ।
