चन्द्र पन्दाक
काबेली–३ जलविद्युत आयोजना अन्तिम चरणमा
ताप्लेजुङमा उत्पादन गर्न लागिएको काबेली–३ जलविद्युत आयोजनाको काम अन्तिम चरणमा पुगेको छ। सिरिजङ्घा गाउँपालिकास्थित काबेली खोलाको पानी उपयोग गरी उत्पादन गर्न लागिएको २१.९३ मेगावाट क्षमताको आयोजनाको काम अन्तिम चरणमा पुगेको हो ।
हेवाखोलाको पुल निर्माण ढिलाइ हुँदा चिन्ता
मेची राजमार्गअन्तर्गत पाँचथरको हेवाखोलामा मोटरेवल (मोटर गुड्ने) पुल निर्माण गर्नमा ढिलाई हुँदा ताप्लेजुङवासी चिन्तित बन्न थालेका छन्। हिउँदयामको अन्त्य भई सक्दासमेत हेवाखोलाको पुल पुनर्निर्माण गर्नमा ढिलाई गरिएकाले ताप्लेजुङवासी चिन्तित बन्न थालेका हुन्।
कञ्चनजङ्घा हीरक महोत्सवको लोगो सार्वजनिक
ताप्लेजुङ, माघ २९ गते । आगामी बैशाखमा ताप्लेजुङमा आयोजना गर्न लागिएको कञ्चनजङ्घा हीरक महोत्सवको ‘लोगो’ सार्वजनिक गरिएको छ । विश्वको तेस्रो तथा नेपालको दोस्रो अग्लो हिमाल कञ्चनजङ्घा आरोहणको ७० वर्ष पुगेको अवसरमा आयोजना गर्न लागिएको कञ्चनजङ्घा हीरक महोत्सवको आधिकारिक लोगो सार्वजनिक गरिएको हो ।कञ्चनजङ्घा हीरक महोत्सव संयोजन समितिले सोमबार सदरमुकाम फुङ्लिङमा पत्रकार सम्मेलन गर्दै लोगो सार्वजनिक गरेको हो । महोत्सवको आधिकारिक लोगो सार्वजनिक गर्नुहुँदै संयोजन समितिका संयोजक पिछ्वाङ शेर्पाले महोत्सवको प्रचारप्रसारमा टेवा पुग्ने बताउनुभयो ।महोत्सव भव्यरुपमा सम्पन्न गर्न व्यवस्थापन र तयारीमा जुटेको आयोजक समितिले तयारीलाई नै थप टेवा पुर्याउनेगरी महोत्सवको छुट्टै लोगो निर्माण गरेर सार्वजनिक गरिएको संयोजक शेर्पाले जानकारी दिनुभयो । उहाँले लोगो निर्माण (डिजाइन) सँगै महोत्सवको तयारी निरन्तर भइरहेको पनि जानकारी दिनुभयो ।कञ्चनजङ्घा आरोहणको ७० औं वार्षिक उत्सव अर्थात हीरक महोत्सव आगामी २०८२ साल वैशाख ५ देखि ७ गतेसम्म तीन दिन मनाइने भएको छ । कञ्चनजङ्घा व्यवस्थापन परिषद्को मुख्य कार्यालय रहेको फक्ताङ्लुङ गाउँपालिका–६ लेलेपमा महोत्सव आयोजना हुने छ । कञ्चनजङ्घा संरक्षण क्षेत्र प्रकृतिको उपहार, संरक्षण क्षेत्रमा पर्यापर्यटन समृद्धिको आधार भन्ने नारासहित कञ्चनजङ्घा क्षेत्रमा पर्यटकको सङ्ख्या बढाउने मुख्य उद्देश्यसहित महोत्सव आयोजना गर्न लागिएको परिषद्का सदस्य–सचिव मनकुमार राईले जानकारी दिनुभयो ।समुद्री सतहदेखि आठ हजार ५८६ मिटर उचाइ रहेको कञ्चनजङ्घा हिमालको सन् १९५५ मे २५ मा बेलायतका आरोही जर्ज बैण्डले पहिलो पटक आरोहण गर्नुभएको थियो । कञ्चनजङ्घामा मानव पाइला टेकेको ७० वर्ष पुगेको अवसरमा हीरक महोत्सव आयोजना गर्न लागिएको हो । यसअघि २०७३ साल मङ्सिरमा पनि कञ्चनजङ्घा आरोहणको ६० वर्ष पुगेको अवसरमा फुङ्लिङको सुकेटारमा हीरक महोत्सव आयोजना गरिएको थियो ।
ताप्लेजुङमा सुन्तला उत्पादन बढ्यो
ताप्लेजुङ, माघ ११ गते । ताप्लेजुङमा यस वर्ष सुन्तला उत्पादन बढेको छ । कृषि ज्ञान केन्द्र ताप्लेजुङका अनुसार गत वर्षभन्दा यो वर्ष सुन्तला उत्पादनमा वृद्धि भएको हो । गत वर्षको तुलनामा यो वर्ष सुन्तला उत्पादनमा वृद्धि भएको कृषि ज्ञान केन्द्रका प्रमुख सन्तोष थापा मगरले जानकारी दिनुभयो । थापा मगरका अनुसार यस वर्ष खेती विस्तारसँगै सुन्तला उत्पादन बढेको हो । जिल्लामा ५५६ हेक्टर क्षेत्रफल बराबरको जग्गामा गरिएको खेतीबाट तीन हजार ५४३.७ मेट्रिक टन सुन्तला उत्पादन भएको छ । सुन्तला खेतीका लागि यस वर्ष मौसम अनुकूल भई दिएकाले उत्पादन बढेको कृषि ज्ञान केन्द्रले जनाएको छ । केन्द्रका अनुसार गत वर्ष तीन हजार ५६ मेट्रिक टन मात्र सुन्तला उत्पादन भएको थियो । जिल्लामा सुन्तला खेती गरिएको जमिनमध्ये ४३४ हेक्टर क्षेत्रफललाई भने उत्पादनशील क्षेत्रका रूपमा कृषि ज्ञान केन्द्रले औँल्याएको छ । यता जिल्लामा सुन्तलाको मूल्य भने प्रतिकिलोग्राम १०० देखि १५० रुपियाँसम्म छ । उत्पादक किसान तथा स्थानीय व्यवसायीले सो मूल्यमा सुन्तला बिक्री गर्दै आएका छन् । किसानका अनुसार यहाँ उत्पादन हुने सुन्तला जिल्ला बाहिरसमेत निर्यात हुने गरेको छ । जिल्ला बाहिरका व्यापारीले प्रतिकिलोग्राम ८० देखि ९० रुपियाँका दरले बगान (बगैँचा) बाटै सुन्तला खरिद गर्ने गरेका किसानको भनाइ छ । बगैँचाबाट टिपेर सुन्तला बिक्रीका लागि तयारी गर्दै किसान । तस्बिर ः चन्द्र पन्दाक
फोनिज ताप्लेजुङ अध्यक्षमा फेम्बो
नेपाल आदिवासी जनजाति पत्रकार महासङ्घ (फोनिज) ताप्लेजुङको अध्यक्षमा दिलकुमार फेम्बो लिम्बू चयन हुनुभएको छ । सदरमुकाम फुङ्लिङमा बुधवार सम्पन्न फोनिजको छैटौँ जिल्ला अधिवेशनले फेम्बो अध्यक्ष रहेको कार्यसमिति सर्वसम्मत चयन गरेको हो ।
बालिका करणी आरोपमा पक्राउ
ताप्लेजुङमा बालिकालाई करणी गरेको आरोपमा एक जना व्यक्ति पक्राउ परेका छन् । प्रहरीका अनुसार १४ वर्षीय बालिकालाई करणी गरेको आरोपमा ३८ वर्षीय पुरुष पक्राउ परेका हुन् ।
लिम्बू भाषामा समाचार वाचन गर्ने सञ्चारकर्मीलाई सम्मान
ताप्लेजुङ, पुस १ गते । ताप्लेजुङका स्थानीय रेडियोहरूमा लिम्बू भाषा (आनि पान) मा समाचार वाचन गर्ने सञ्चारकर्मीलाई सम्मान गरिएको छ । लिम्बू समुदायको सांस्कृतिक पर्व चासोक तङ्नामको अवसरमा लिम्बू भाषामा समाचार वाचन गर्ने सञ्चारकर्मीलाई सम्मान गरिएको हो ।चासोक तङ्नाम (न्वागी पर्व) को अवसरमा आइतबार सदरमुकाम फुङ्लिङमा आयोजित कार्यक्रमकाबिच लिम्बू भाषामा समाचार वाचन गर्ने आधा दर्जन बढी सञ्चारकर्मीलाई सम्मान गरिएको छ । जिल्लामा रेडियो स्थापना भएदेखि हालसम्म लिम्बू भाषामा समाचार वाचन गर्ने तथा लिम्बू भाषाको कार्यक्रम सञ्चालन गर्ने सञ्चारकर्मीलाई सम्मान गरिएको किरात याक्थुङ चुम्लुङ ताप्लेजुङले जनाएको छ ।चुम्लुङकी जिल्ला अध्यक्ष इन्दिरा मेन्याङ्बोका अनुसार लिम्बू भाषामा समाचार वाचन गर्ने र कार्यक्रम सञ्चालन गर्ने पत्रकार तथा सञ्चारकर्मीलाई कदरपत्र र दोसल्ला ओढाएर सम्मान गरिएको हो । सम्मानित हुनेमा हाल स्थानीय रेडियो तमोरमा कार्यरत गङ्गा लिङ्खिम लिम्बू, मनमाया माबो रहनुभएको छ । यस्तै रेडियो ताप्लेजुङमा माला पालुङवालाई सम्मान गरिएको मेन्याङ्बोले जानकारी दिनुभयो ।उहाँका अनुसार रेडियो काबेलीमा कार्यरत साहारा लङ्वा लिम्बू र पवित्रा साउदेन लिम्बूलाई सम्मान गरिएको छ । यसैगरी, स्थानीय रेडियोमा लिम्बू भाषामा समाचार वाचन गर्ने तथा कार्यक्रम सञ्चालन गर्ने पूर्व–सञ्चारकर्मी अस्मिता साँवा लिम्बू, मोहनचन्द्र साँवा लिम्बू, धनराशि नाल्बो लिम्बू, राधा मास्वा लिम्बू, रोमाकुमारी माबो, अमृता थलङ लिम्बू, ज्ञानु फुरुम्बो लिम्बू (चरपे), मनकुमारी मेन्याङ्बो लिम्बूलाई पनि सम्मान गरिएको छ ।लिम्बू (याक्थुङ) जातिको आनिपान (भाषा) संरक्षण साथै प्रवद्र्धनमा योगदान पुर्याएकोभन्दै कियाचुले सञ्चारकर्मीहरूलाई सम्मान गरेको जनाएको छ । पत्रकार तथा सञ्चारकर्मीहरूलाई कियाचुका प्रदेश समिति अध्यक्ष मधुराज केरुङ, जिल्ला अध्यक्ष मेन्याङ्बो लगायतले सम्मान गर्नुभएको थियो ।यता लिम्बू समुदायले चासोक तङ्नाम (न्वागी पर्व) सदरमुकाम फुङ्लिङसहित गाउँगाउँमा विविध कार्यक्रम आयोजना गरी मनाएका छन् । शुभकामना आदानप्रदानसँगै आफ्नो मौलिक संस्कार तथा संस्कृतिको उजागर गर्न च्याब्रुङ नाच (केःलाङ), धान नाच (याःलाङ), हाक्पारे, ख्यालीलगायत लिम्बू संस्कृतिमा आधारित प्रस्तुति तथा गतिविधि गरेर पर्व मनाइएको छ ।
अलैँचीको मूल्य लाख नजिक
कालो सुनको उपमा पाएको अलैँचीको मूल्य निरन्तर वृद्धिको क्रमसँगै प्रतिमन एक लाख रुपियाँ नजिक पुगेको छ ।
सिरिजङ्गा गोल्ड कप मङ्सिर २३ गतेदेखि हुने
ताप्लेजुङमा आगामी मङ्सिर २३ देखि २९ गतेसम्म अन्तर्राष्ट्रिय आमन्त्रण चौथो सिरिजङ्गा गोल्ड कप फुटबल प्रतियोगिता हुने भएको छ । सिरिजङ्घा गाउँपालिकाको प्रशासकीय केन्द्र तेल्लोकमा फुटबल प्रतियोगिता र सिरिजङ्गा मेला–२०८१ हुने भएको हो ।
-Alaichi--Chhodai-Taplejung-original-thumb.jpg)
अलैँची थन्क्याउनमा व्यस्त किसान
ताप्लेजुङका किसान हिजोआज नगदे बाली अलैँची थन्क्याउनमा व्यस्त बनेका छन् । दसैँ, तिहारजस्ता चाडपर्वको समयसँगै अलैँची थन्क्याउने मौसम भएकाले खेतीमा संलग्न किसानहरू व्यस्त बनेका हुन् । किसानहरू यति बेला अलैँची थन्क्याउन अर्थात् अलैँची टिप्न, छोडाउन र सुकाउनमा व्यस्त भएका छन् ।
फुङ्लिङ रिपोर्टिङ क्लबलाई फुटबल उपाधि
ताप्लेजुङको फुङ्लिङमा सम्पन्न स्वर्गीय चन्द्रबहादुर नयोङ्हाङ स्मृति फुटबल प्रतियोगिताको उपाधि फुङ्लिङ रिपोर्टिङ क्लबले जितेको छ । फाइनलमा मिलन चौतारी युवा क्लब खोक्सेलाई ५–४ गोल अन्तरले पराजित गर्दै फुङ्लिङले उपाधि जितेको हो ।
दुई लाख मूल्यको सिक्किमे रम बरामद
ताप्लेजुङमा भन्सार छली गरेर ल्याउँदै गरेको मदिरा प्रहरीले नियन्त्रणमा लिएको छ । सवारी चेकजाँच गर्ने क्रममा फेला परेको दुई लाख रुपियाँ मूल्य बराबरको सिक्किमे रम (मदिरा) प्रहरीले नियन्त्रणमा लिएको हो ।
एम्बुलेन्स तोडफोड गरेको आरोपमा पक्राउ
ताप्लेजुङमा एम्बुलेन्स तोडफोड गरेको आरोपमा तीन जनालाई प्रहरीले पक्राउ गरेको छ । जिल्लाको फक्ताङ्लुङ गाउँपालिकाद्वारा सञ्चालित प्र १–०२–००१ झ ०८११ नम्बरको एम्बुलेन्स तोडफोड गरेको आरोपमा तीन जनालाई प्रहरीले पक्राउ गरेको हो ।
पहिरोले तापेथोक बजार जोखिममा
ताप्लेजुङको फक्ताङ्लुङ गाउँपालिकाको प्रशासकीय केन्द्र रहेको तापेथोक बजार माथिबाट झरेको पहिरोका कारण जोखिम परेको छ । बिहीबार राति वर्षासँगै बस्ती माथिबाट झरेको पहिरोले तापेथोक बजार उच्च जोखिममा परेको हो ।
ट्याक्टर दुर्घटनामा तामाङको मृत्यु
ताप्लेजुङको मैवाखोला गाउँपालिकामा ट्याक्टर दुर्घटनामा परी एक जनाको मृत्यु भएको छ । प्रहरीका अनुसार मैवाखोला गाउँपालिका–२ ढुङ्गे साँघुका स्थानीय ३५ वर्षीय भीमकुमार तामाङको दुर्घटनामा परी मृत्यु भएको हो ।
