गोरखापत्रलाई स्मार्ट टेलिभिजन हस्तान्तरण

NBL (2)

गोरखापत्र समाचारदाता
काठमाडौं, जेठ १ गते । नेपाल बैंक लिमिटेडले गोरखापत्र संस्थानको लागि एक स्मार्ट टेलिभिजन हस्तान्तरण गरेको छ ।
गोरखापत्र अनलाइनको लागि समाचार संकलन गर्न उपयोगी हुने उक्त स्मार्ट टिभी बैंकका सहायक प्रमुख कार्यकारी अधिकृत प्रकाशकुमार अधिकारीले संस्थानका कार्यकारी अध्यक्ष कृष्णमुरारी भण्डारीलाई प्रदान गर्नुभयो ।
हस्तान्तरण कार्यक्रममा कार्यकारी भण्डारीले बैंकले उपलब्ध गराएको उपहारले गोरखापत्र र बैंकबीचको आठ दशक लामो सम्बन्ध नयाँ उचाईंमा पुग्ने विश्वास ब्यक्त गर्नुभयो ।
उहाँले पुनः नविकरण भएको सम्बन्धमा सरकारले लिएको समृद्ध नेपाल र सुखी नेपालीको अभियानमा बैंकले सरकार र जनतालाई नयाँ दिशा दिन सक्ने धारणा राख्नुभयो ।
देशकै जेठो बैंक भएको नाताले आफ्ना अनुभव, क्षमता र सीपलाई देशब्यापी बनाउन गोरखापत्र र गोरखापत्र अनलाइनले भरपुर सहयोग दिने प्रतिबद्धता ब्यक्त गर्नुभयो ।
त्यसैगरी, बैंकका सहायक प्रमुख कार्यकारी अधिकृत प्रकाशकुमार अधिकारीले देशका दुई जेठा सरकारी संस्थाबीचको सम्बन्ध र मित्रता प्रगाढ र दीगो हुने विश्वास ब्यक्त गर्नुभयो ।
उहाँले बैंकिङ् गतिविधि र राजश्व संकलनमा गोरखापत्रलाई साथ दिन सकिने बताउँदै भर्खरै शुरु गरिएको समृद्ध बचत खातामा १९ हजार नयाँ खाता खोलिसकेको जानकारी दिनुभयो ।
कार्यक्रममा विज्ञ सल्लाहकार टीकाराम राई, सम्पादक सल्लाहकार गोपाल खनाललगायत गोरखापत्रका अधिकृतहरुको उपस्थिति रहेको थियो ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds