काठमाडाैं, फागुन २७ गते । गाजापट्टीमा जारी इजरायली आक्रमणबाट प्यालेस्टाइनीको मृत्यु हुनेको सङ्ख्या ३० हजार ९६० पुगेको छ भने ७२ हजार ५२४ जना घाइते भएका छन् ।
पछिल्लो २४ घण्टामा इजरायली सेनाले ८२ प्यालेस्टाइनीको हत्या गरेका छन् । साथै एक सय २२ जना घाइते भएका छन् । शुक्रवार रातिदेखि गाजापट्टीका धेरै क्षेत्रलाई लक्षित गरी इजरायली हवाई आक्रमणमा दर्जनौं प्यालेस्टाइनीहरू मारिएका छन् ।
जसमध्ये अधिकांश बालबालिका र महिलाहरू मारिएका छन् । दक्षिणी गाजापट्टीका खान युनिस र रफाह शहरहरूमा भएका धेरै घरहरूलाई निशाना बनाएर गरिएको हवाई आक्रमणमा कम्तीमा २३ जनाको मृत्यु भएको जनाइएको छ । सिन्ह्वा/न्यूज एजेन्सी नेपाल
