• १ वैशाख २०८१, शनिबार

राष्ट्रपतिसमक्ष युनाइटेड स्टेट्सका कमाण्डरको शिष्टाचार भेट

शान्ति सेनामा नेपालको योगदान सर्वाधिक : राष्ट्रपति

blog

राष्ट्रपति रामचन्द्र पौडेलसमक्ष शिष्टाचार भेट गर्नुहुँदै संयुक्त राज्य अमेरिकाको अमेरिकी सेनाअन्तर्गत युनाइटेड स्टेट्स इन्डो प्यासिफिक कमाण्डरका एड्मिरल जोन सी एक्विलिनो । तस्बिर : राष्ट्रपति कार्यालय

काठमाडौं, फागुन १४ गते । राष्ट्रपति रामचन्द्र पौडेलसमक्ष संयुक्त राज्य अमेरिकाको अमेरिकी सेनाअन्तर्गत युनाइटेड स्टेट्स इन्डो प्यासिफिक कमाण्डरका एड्मिरल जोन सी एक्विलिनोले शिष्टाचार भेट गर्नुभएको छ ।

सोमबार राष्ट्रपति भवनमा भएको उक्त भेटमा राष्ट्रपतिले नेपाल र संयुक्त राज्य अमेरिका बित कूटनैतिक सम्बन्ध स्थापना भए पश्चात् दुई देशबिच मैत्रीपूर्ण र सौहार्दपूर्ण सम्बन्ध सही आएकोमा खुसी व्यक्त गर्नुभयो ।

साथै उहाँले विश्व शान्तिको मान्यताप्रति प्रतिबद्ध नेपाल संयुक्त राष्ट्रसङ्घको शान्ति सेनामा सर्वाधिक योगदान गर्ने मुलुकको रूपमा रहेको कुराले गौरवान्वित भएको बताउनुभएको राष्ट्रपति कार्यालयका प्रवक्ता शैलजा रेग्मी भट्टराईद्वारा विज्ञप्तिमा उल्लेख छ ।