सुरेनको ‘सल्लेरी पाखाहरू’

काठमाडौँ, फागुन १३ गते । प्रनभ र शुभजीवन जस्ता गीति एलबम श्रोतामाझ ल्याइसक्नुभएका गायक सुरेन गौतमले ‘सल्लेरी पाखाहरू’ बोलको नयाँ गीत सार्वजनिक गर्नुभएको छ । सुरेनकै लेखन रहेको गीतमा सङ्गीत विशाल पौडेलको रहेको छ । 

पिटर गुरुङको निर्देशनमा तयार भएको गीतमा नायक तथा मोडल दिक्पाल कार्की र जिसु कोइरालाको अभिनय रहेको छ । प्रेमिकालाई गुमाएपछि प्रेमी मानसिक रूपमा विचलित हुँदाको क्षण र आफ्नो प्रेमिकालाई प्रेतात्माका रूपमा देख्दा भएको छटपटीलाई गीतमा देखाउन खोजिएको छ । प्रेम र बिछोडले भरिएको गीतमा जिसु र दिक्पाल निकै प्रेमिल देखिनुभएको छ । विष्णुहरि तिमल्सिनाको सम्पादन रहेको गीतको छायाङ्कन दिपेन खड्काले गर्नुभएको छ । गीतको निर्माता डा. केन्नी ढकाल हुनुहुन्छ । सो गीत गायक सुरेनकै अफिसियल च्यानलबाट सार्वजनिक गरिएको छ ।