काठमाडौँ, पुस १२ गते । साबिक विजेता दिनेश प्रजापति र जयराम श्रेष्ठबिच सूर्य नेपाल एनपीजीए म्याच प्ले गल्फको उपाधिका लागि भिडन्त हुनेभएको छ ।
रोयल नेपाल गल्फ क्लबमा बिहीबार भएको सेमिफाइनल खेलमा दिनेशले रामे मगरलाई ३/२ ले हराउनुभयो । अर्को खेलमा जयरामले भुवनकुमार रोक्कालाई अन्तिम होलमा स्तब्ध बनाउँदै उपाधि यात्रा तय गर्नुभयो ।
फाइनल खेल शुक्रबार ३६ होलको हुनेछ । कुल दुई लाख ५० हजार रुपियाँ पुरस्कार राशि रहेको प्रतियोगिताको विजेताले ६० हजार, उपविजेताले ४२ हजार, तेस्रोले ३२ हजार र चौथो हुनेले २४ हजार रुपियाँ पुरस्कार पाउनेछन् ।
