लोकगायक रामकृष्ण दुवाल सम्मानित

काठमाडौं, पुस १० गते । जनगायक तथा लोकगायक रामकृष्ण दुवाललाई सम्मान गरिएको छ । उहाँको साङ्गीतिक कृति जिगु देय् जित यः गीतको म्युजिक भिडियोको लोकार्पण कार्यक्रमको बिचमा गायक दुवाललाई सम्मान गरिएको हो ।

ईलोहं प्रकाशनको आयोजना आयोजित कार्यक्रममा कीर्तिपुर ८ का वडाध्यक्ष सानुमैंया महर्जनले खादां अर्पण, पूर्वनगरप्रमुख रमेश महर्जनले दोसल्ला, माननीय सांसद शैलेन्दमान बज्राचार्यले सम्मानपत्र एवम् ईलोहं प्रकाशनका प्रबन्ध निर्देशक नरेशवीर शाक्यले २५ हजार नगदसहित सम्मान गर्नुभएको हो भने स्केच आर्टिस्ट अर्पिता शाक्यले स्केच पोष्टरपनि प्रदान गर्नु भएको थियो ।

सोहीक्रममा कार्यक्रममा जनगायक रामकृष्ण दुवालका पेजथ्री विशेषाङ्क, स्केच पोष्टर, रामकृष्ण दुवालको जीवनी लेख रहेको रञ्जना लिपिमा प्रकाशित हुने ईलोहं प्रकाशनको ‘लुआखः’ मासिक  र जिगु देय् जित यः बोलया म्युजिक भिडियो प्रिमियर गरिएको थियो । 

जनगायकबाट सिर्जित जिगु देय् जितः यः बोलको गीतमा गायिका रानी शोभा महर्जनले आवाज र नयाँ सङ्गीत संयोजन जीवित जल्मीको रहेको छ । म्युजिक भिडियोमा कलाकार हिसिला महर्जन (राजमति) तथा किशोर चिपालुको अभिनय रहेको छ ।

गीत पेजथ्री पाक्षिकका सम्पादक दर्शनवीर शाक्यले निर्देशन गर्नु भएको हो भने यस गीतको सम्पादन तथा छायाँकंन मनोजरत्न शाहीले गर्नुभएको हो । कार्यक्रम कीर्तिपुरको जोशी ननि हेरिटेज होम्सय्मा सम्पन्न भएको हो ।