काभ्रे, पुस १ गते । काभ्रेपलाञ्चोक जिल्लाको बनेपा नगरपालिकाको पुलबजारमा रहेको नेपाल सितोरियो कराँते डोजोले जुनियर खेलाडीका लागि बेल्ट टेष्ट गराएको छ । शनिबार विशेष समारोहका बिचमा राखेपका प्रशिक्षक ओमप्रकाश नकर्मीको उपस्थितिमा बेल्ट टेष्ट गरिएको सो डोजोका मुख्य प्रशिक्षक नवराज मानन्धरले जानकारी दिनुभयो ।
केही महिनाअघिदेखि निरन्तर रूपमा प्रशिक्षण दिइरहेको सो डोजोले गरेको बेल्ट टेष्टमा ४५ जना नै खेलाडीले बेरेन्ज बेल्टमा प्रमोसन भएका छन् । डोजोका सहायक प्रशिक्षक कविरकुमार रंजितकारले उत्कृष्ट तीन जना खेलाडीलाई नगद पुरस्कार समेत वितरण गरेको उल्लेख गर्नुभयो ।
बेल्ट टेष्टभरीकै उत्कृष्ट खेलाडी बन्न सफल साँया श्रेष्ठलाई प्रमुख अतिथि नकर्मीले प्रोत्साहन स्वरूप दुई हजार रुपियाँ थप पुरस्कार वितरण गर्नुभयो । कार्यक्रममा उत्कृष्ट चार खेलाडीलाई नगद पुरस्कारबाट पुरस्कृत गरिएको थियो ।
