भावना जोशी
अत्तरिया, मंसिर २८ गते । कैलालीमा बिहीबार एक महिलाको करेन्ट लागेर मृत्यु भएको छ । गोदावरी नगरपालिका–१ भरतपुरकी अन्दाजी २३ वर्षीया कोपिला जोशी मोटरबाट पानी तान्दा करेन्ट लागेर घाइते हुनुभएको थियो ।
घाइते जोशीलाई उपचारका लागि सेती प्रादेशिक अस्पतालमा लगिएको थियो । उपचार सम्भव नभएपछि अस्पतालले उहाँलाई दिउँसो मृत घोषणा गरेको जिल्ला प्रहरी कार्यालय कैलालीका प्रहरी निरीक्षक सन्तोष बस्यालले जानकारी दिनुभयो ।
