मेयर कपमा दमकडा फाइनलमा

रेखीराम राना

तानसेन, मङ्सिर २७ गते । तानसेनमा जारी प्रथम मेयर कप फुटबल प्रतियोगितामा तानसेन-९ दमकडा फाइनलमा प्रवेश गरेको छ । तानसेनस्थित टुँडिखेल मैदानमा तानसेन–९, र तानसेन-६, का बिचमा भएको प्रतिष्पर्धामा तानसेन ९ दमकडा ३-२ गोल अन्तरले विजयी बनेको हो । 

तानसेन-६ लाई पराजित गरेसँगै तानसेन ९ फाइनलमा प्रवेश गरेको नगर खेलकुद विकास समितिका अध्यक्ष हेमन्तराज शाक्यले जानकारी दिनुभयो । फाइनल खेल मङ्सिर २९ गते हुने शाक्यले बताउनुभयो । 

प्रतियोगितामा विजेताले ट्रफीसहित एक लाख र उपविजेताले ट्रफीसहित ५० हजार नगद पाउनेछ । फुटबल सकिएपछि क्रिकेट प्रतियोगिता हुने शाक्यले जानकारी दिनुभयो ।