देवरामप्रसाद यादव
सप्तरी, मङ्सिर ८ गते । सप्तरीको अग्निसाइर कृष्णासवन गाउँपालिका ५ स्थित हीरावती आधारभूत विद्यालय बकधुवा–भिमारको नवनिर्मित भवनको शुक्रबार उद्घाटन भएको छ । राष्ट्रपति शैक्षिक सुधार कार्यक्रम अन्तर्गत ४५ लाखको लागतमा नवनिर्मित भवनको उद्घाटन भएको हो ।
विद्यालय व्यवस्थापन समितिका अध्यक्ष श्यामकान्त चौधरीको अध्यक्षता सम्पन्न कार्यक्रममा कृष्णासवरन गाउँपालिका अध्यक्ष दीनानाथ चौधरी र उपाध्यक्ष कल्पनाकुमारी चौधरीले संयुक्त रुपमा नवनिर्मित विद्यालय भवन उद्घाटन गर्नुभएको हो ।
सो अवसरमा गापा अध्यक्ष चौधरीले भवनको माथिल्लो तलाको अधुरो रहेको निर्माण कार्य सम्पन्न गर्ने प्रतिबद्धता व्यक्त गर्नुभएको छ । कार्यक्रममा जग्गादाता परिवारका सदस्य दुर्गानन्द चौधरी स्थानीय जनप्रतिनिधि, अभिभावक, बुद्धिजीवी, शिक्षाप्रेमी, समाजसेवीको उपस्थिति थियो ।
