स्मृति मिश्र
महेन्द्रनगर (धनुषा), कात्तिक २८ गते । धनुषामा रेलले किचेर एक वृद्धको मृत्यु भएको छ । धनुषा जिल्लाको विदेह नगरपालिकामा ९० वर्षीय विन्देश्वर दासको रेलले किचेर मृत्यु भएको हो ।
मङ्गलबार बिहान ९ः३० बजे दासको रेलले किचेर मृत्यु भएको प्रहरी नायब उपरीक्षक रन्जन अवाले बताउनुभयो । मृतको दासको घर भारतको मधुबन्नी जिल्लाको जयनगर, बेल्ही रेहेको प्रहरी नायब उपरीक्षक अवाले बताउनुभयो ।
उहाँका अनुसार बैदेहि स्टेशन नजिकै रहेको पुलको रेल्वे लिकमा बाटो काट्ने क्रमामा रेलले किचेर दासको मृत्यु भएको हो । रेल धनुषाको कुर्थाबाट बिहान ८ः३० बजे जयनगरका लागि छुटेको थियो ।
