बासुदेव शर्मा
जाजरकोट, कात्तिक २७ गते । आइतबार राहत सामग्री लिएर नलगाड नगरपालिका-१३ मा आएको हेलिकोप्टर ल्याण्ड गर्दा खच्चरको भागदौड हुँदा एक जना भेरी नदीमा खसेर बेपत्ता हुनुभएको छ ।
गत कात्तिक १७ गते मध्यरात गएको विनाशकारी भूकम्पका पीडितलाई राहत लिएर आएको हेलिकोप्टर ल्याण्ड गर्दा खच्चरको भागदौड भएको थियो । सो बेला नलगाड नगरपालिका–१३ का ५० वर्षीय केशव मल्ल भेरी नदीमा खसेर बेपत्ता हुनुभएको हो ।
भौगोलिक विकट्ता दुर्गम बस्ती मोटर बाटो नभएपछि भूकम्पपीडितलाई राहत सामग्री लिएर हेलिकोप्टर आउनेगरेको छ । बेपत्ता हुने मल्ल नेपाली कांग्रेसका वडा सभापति केशव मल्ल रहनुभएको कांग्रेका प्रवक्ता छवि पन्तले बताउनुभयो ।
बाटोमा हिडिरहेका मल्ललाई खच्चरले ठक्कर दिएपछि भेरी नदीमा खसेर उहाँ बेपत्ता हुनुभयो । भेरी नदीमा बेपत्ता मल्लको स्थानीयले खोजी कार्य जारी राखेको जनाएका छन् । नेपाली कांग्रेस जाजरकोटका प्रवक्ता पन्तले बेपत्ता मल्लको खोजी कार्यमा लाग्न स्थानीयलाई आग्रह गर्नुभयो ।
