अविनाश चौधरी
धनगढी, कात्तिक २४ गते । गाउँ पसेको दुर्लभ अजिङ्गरको उद्धार गरिएको छ । गएराति कैलारी गाउँपालिका–५ स्थित बिसनपुर गाउँमा पसेको अजिङ्गरको उद्धार गरिएको हो ।
गाउँमा आएको अजिङ्गरलाई उद्धार गरेर इलाका प्रहरी कार्यालय हसुलियाको जिम्मा लगाएको स्थानीय संरक्षणकर्मी रामु चौधरीले जानकारी दिनुभयो । प्राकृतिक वासस्थानमा छोड्नका लागि अजिङ्गरलाई प्रहरीको जिम्मा लगाएको उहाँले बताउनुभयो ।
