काठमाडौं, कात्तिक २१ गते । प्रहरीले लागू औषधसहित छुट्टा–छुट्टै स्थानबाट दुई जनालाई पक्राउ गरेको छ ।
नेपाल प्रहरी प्रधान कार्यालयले मंगलबार प्रेस विज्ञप्ति जारी गर्दै सुर्खेतको गुर्भाकोट नगरपालिका–८ मेहलकुना बजार बस्ने २८ वर्षीय प्रविन नेपालीलाई अवैध आगू औषध ब्राउन सुगर जस्तो देखिने पदार्थ आठ सय ४० मिलिग्रामसहित सोमबार राति पक्राउ गरिएको जानकारी दिएको छ ।
यस्तै, पर्साको वीरगञ्ज महानगरपालिका–१६ रजतजयन्ती चोकबाट प्रतिबन्धित लागूऔषध नाईट्राभेट पाँच सय २५ ट्याब्लेटसहित मकवानपुर मनहरी गाउँपालिका–६ बस्ने ४० वर्षीय कृष्ण बहादुर राईलाई प्रहरीले पक्राउ गरेको छ ।
दुवै घटनाका सम्बन्धमा आवश्यक अनुसन्धान भइरहेको प्रहरीले जनाएको छ ।
