जब रात पर्छ, तिम्रो झल्को आउँछ
निदाउँ निदाउँ भन्दा तिम्रो याद आउँछ ।
तिम्रो तस्बिर मुटुमा राखेकोले होला
तिम्रो माया छातीमा टाँसेकोले होला
भन्न बाँकी कति कुरा यही रातमा आउँछ
निदाउँ निदाउँभन्दा तिम्रो याद आउँछ ।
तिम्रो सम्झनाहरू आँखामा राखेकोले होला
तिम्रो हेराइ मनमा साँचेकोले होला
के के भयो जिन्दगीमा यही रातमा आउँछ
निदाउँ निदाउँभन्दा तिम्रो याद आउँछ ।
जब रात पर्छ, तिम्रो झल्को आउँछ
निदाउँ निदाउँभन्दा तिम्रो याद आउँछ ।
