चाँदनी आचार्य
कैलाली, भदौ २६ गते । कैलालीको घोडाघोडी नगरपालिकाले कार्यालयमा कार्यरत कर्मचारीको निधन पछि शोक बिदा गरेको छ । नगरपालिकाको पशु सेवा शाखाका प्रमुख छत्रा कुमारी रावत निउरेको सोमबार राती हृदयाघातका कारण निधन भएपछि नगरपालिकाले विज्ञप्ति मार्फत शोक बिदा गरिएको जानकारी दिएको छ ।
निमित्त प्रमुख प्रशासकीय अधिकृत खगेन्द्रबहादुर सिंहले निउरेको दिवङ्गत आत्मको चीर शान्तिको कामना गर्दै अत्यावश्यक सेवा बाहेक नगरपालिका कार्यालय अन्तर्गतका वडा कार्यालयहरूमा मङ्गलबार शोक बिदा गरिएको बताउनुभयो ।
४८ बर्षीया निउरेको दुई छोरी र एक छोरा मध्ये छोराको तीन वर्ष पहिले हृदय घातकै कारण निधन भएको जनाइएको छ ।
