काठमाडौं, भदौ ४ गते । नेकपा (एमाले) का उमहासचिव प्रदीप ज्ञवालीले सरकारले साझा एवम् आधारभूत विषयमा सहमति खोज्नुपर्ने बताउनुभएको छ ।
नेपाली कांग्रेसका नेता एवम् समाजवादी चिन्तक प्रदीप गिरिको प्रथम स्मृति दिवसका अवसरमा आयोजित कार्यक्रममा बोल्नुहुँदै उहाँले सो कुरा बताउनुभयो ।
नेता गिरिको सम्झना त्यस मानेमा सार्थक हुने भन्नुहुँदै उहाँले भन्नुभयो, “संविधानमा उल्लेख गरेका आधारभूत कुराको साझा ग्राउण्ड खोज्न जरुरी हुन्छ । साझेदार सत्तामा हुन्छ, एजेण्डामा हुँदैन । साझेदारी त एजेण्डामा होला । विश्व हिजोभन्दा भल्गर छ । यो समस्याको समाधान समाजवादमा छ ।”
उहाँले समाजवाद उन्मुख राज्यको चरित्र भएकाले जोसुकै सरकारमा जाँदा पनि बहस गर्न नपाइने गरी सीमाङ्कन गर्नुपर्ने बताउनुभयो ।
उहाँले भन्नुभयो, “हामीले भनेको संविधानमा जुनसुकै सरकारमा जाँदा पनि डिबेट गर्न नपाइने भनेर डिमार्केसन गर्यो भने उहाँप्रतिको सम्झनाको सार्थकता हुन्छ कि । उहाँले लेखेका, बोलेका, छानिएका रचनालाई ट्रान्सक्राइब निकालौं, बौद्धिकताको खडेरी परेको बेलामा ।”
उहाँले नेता गिरी लोकतन्त्रका लागि सम्झौताहीन र अविश्राम योद्धाको रुपमा स्मरण गर्नुभयो ।
