बाबुराम शर्मा
दोलखा, साउन ३२ गते । दोलखाको बिगु गाउँपालिका–१ लामाबगरस्थित माथिल्लो तामाकोशी जलविद्युत् आयोजनाले हकप्रद शेयर निष्कासन गरेको छ ।
बिहीबार जारी गरिएको सूचना अनुसार भदौ १८ गतेदेखि असोज ७ गतेसम्म शेयरधनीले आवेदन पेश गर्न सकिने आयोजनाले जनाएको छ ।
हकप्रद शेयर डिम्याटको माध्यमबाट मेरो शेयरबाट तथा आयोजनाले तोकेको बैंकबाट आवेदन पेश गर्न सकिनेछ । १ः१ का दरले शेयर निष्कासन भएकाले शेयर धनीसँग अहिले जति कित्ता शेयर छ, त्यही बराबरको शेयर कित्ताको आवेदन दिन सकिनेछ ।
प्रतिकित्ता सय रुपियाँका दरले आयोजनाले १० करोड ५९ लाख कित्ता शेयर निष्कासन गरेको आयोजनाले सूचनामार्फत जानकारी गराएको छ ।
