हाम्रा बलात्कृत झुप्रा (कविता)

एक आङ  कपास र एक पेट भातका निम्ति

युद्ध लडिरहनुपरेको अवस्थामा

जिन्दगीका सम्पूर्ण मानवीय ऊर्जालाई

अमानवीय लिलाम गराएर

हाम्रा झुप्राका टाटी र पर्खालहरू

सस्ता राजनीतिक नाराले टन्न भरिएका छन्,

र

हाम्रा जिन्दगीको सहराका भुप्रा

नजानिँदो किसिमले बलात्कृत हुँदै गइरहेछन् 

केवल भोटको राजनीतिका निम्ति

केवल स्वार्थका लागि

अनि हाम्रा राजनीतिक भनाउँदाहरू

हाम्रै टाउकामाथि टेकेर कुर्सीमा पुगिरहेछन्

र हामीलाई

कहाली लाग्दो अभावको भीरबाट 

धकेलिरहेछन् सदासदाका  लागि । 

चन्द्रपुर, रौतहट