शेरबहादुर सार्की
बाजुरा, जेठ २० गते । बाजुरामा आज बिहान रुखबाट लडेर एक जना युवकको मृत्यु भएको छ । मृत्यु हुनेमा बडिमालिका नगरपालिका –७ ढम्कनेका ४२ वर्षीय देवबहादुर धामी रहनुभएको छ ।
गाईबस्तुलाई घाँस काट्न गएका बेला शनिबार बिहान रुखबाट खसेर उहाँको मृत्यु भएको बडिमालिका नगरपालिका –७ का वडा सदस्य लोकेन्द्र रोकायाले बताउनुभयो ।
उहाँका अनुसार गाउँनजिकै रहेको कालाजग्रा सामुदायिक वनमा घाँस काट्न गएको बेला आज बिहान ८ः०० बजे रुखबाट खसेर घटनास्थलमै उहाँको मृत्यु भएको प्रहरीले जनाएको छ ।
