काठमाडौं, जेठ २० गते । नेपाल भलिबल संघले असार ३ देखि १० गतेसम्म कीर्गिस्तानका आयोजना हुने सेन्ट्रल एसियन भलिबल एसोसिएसन (काभा) पुरुष भलिबल नेसन्स लिगका लागि नेपाली टोलीको घोषणा गरेको छ ।
संघले प्रशिक्षणमा रहेका १८ खेलाडीबाट अन्मित १२ सदस्यीय खेलाडी टोलीको घोषणा गरेको हो । लिगमा नेपालसँग आयोजक कीर्गिस्तान, पाकिस्तान, उज्वेकिस्तान, काजकिस्तान, इरान र तुर्केमिनिस्तान गरी सात टोलीको सहभागिता रहनेछ ।
नेपाली भलिबल टोली
हरिहजुर थापा, लोकेन्द्रराज गिरी, मानबहादुर श्रेष्ठ, टेकराज अवस्थी, राजेन्द्र विष्ट, रोविन चन्द, दुर्गाबहादुर खड्का, हरिबहादुर अधिकारी, सफल विक, धनबहादुर भट्ट, हेमन्तबहादुर मल्ल र भीमबहादुर गाहा ।
