कास्की समाचारदाता
कास्की, जेठ २ गते । पोखरा महानगरपालिकाले आगामी आर्थिक वर्ष २०८०/८१ का लागि योजना तर्जुमाको तयारीमा जुटेको छ । महानगरले विभिन्न वडा समुदायसँग बैठक तथा अन्तरक्रिया गरी आर्थिक वर्षको योजनाको तयारीमा लागेको हो ।
योजना तर्जुमाको चरणमा पूर्वाधार, शिक्षा, स्वास्थ्य, कृषि, पर्यटन, रोजगारलगायतका सवालमा स्थानीयको सरोकार र सुझावलाई समेत सम्बोधन गर्ने गरी महानगरपालिकाका प्रमुख धनराज आचार्यले अभियानका रूपमा सुरुवात गर्नुभएको हो ।
फेवा तालको सौन्दर्यीकरणसहित संरक्षण, उज्यालो बैदाम अभियान, वसुन्धरा पार्क, कोमागाने पार्क, हिमागृह, वडा भवन, स्वास्थ्य केन्द्र, सिमसार रामसार क्षेत्रको संरक्षण, खानेपानी, फोहोरमैला व्यवस्थापन, पर्यटन सूचना केन्द्र, शिक्षालगायतका महìवपूर्ण विषयमा गहन छलफल गरिएको छ । प्रमुख धनराज आचार्यले महानगरमा विभिन्न दातृ निकायको सहयोगमा २३ अर्बभन्दा बढीको लगानीमा नयाँ परियोजना सञ्चालनको तयारीमा रहेको बताउनुभयो । प्रमुख आचार्यले भन्नुभयो, “वडास्तरमा योजनाहरू तर्जुमा गर्दा सम्बन्धित वडाको आवश्यकता र प्राथमिकता पहिलो सर्त हुनुपर्छ ।”
समृद्ध महानगर निर्माणका लागि नयाँ बन्ने योजनासमेत परिणाममुखी बन्न आवश्यक रहेको उहाँले बताउनुभयो । उहाँका अनुसार वडामा हुने योजना छनोटको प्रव्रिmयालाई सहभागितामूलक बनाई सबै नागरिकको पहुँच स्थापित गर्ने उद्देश्यले वडा वडामा यस्तो प्रकारको कार्यव्रmम गर्न लागिएको हो । समग्र पोखराको समुचित विकास नयाँ नेतृत्वको स्वार्थ हुने भन्दै उहाँले यस अभियानमा हातेमालो गर्न महानगरवासीलाई आग्रहसमेत गर्नुभएको छ ।
