सिंहदरबारको फोहोर पुतली बगैँचामा

काठमाडौं, वैशाख ४ गते । देशको प्रमुख प्रशासनिक केन्द्र सिंहदरबारको फोहोर नौ दिन बितिसक्दा पनि उठेको छैन । काठमाडौं महानगरपालिकाले फोहोर उठाउन छाडेपछि त्यहाँको फोहोरलाई तत्कालका लागि सिंहदरबारभित्र पुतली  बगैँचामा व्यवस्थापन गरिएको छ । 

सङ्घीय सचिवालय निर्माण तथा व्यवस्थापन कार्यालयका सूचना अधिकारी सुरेन्द्रकुमार साहले फोहोर नउठेपछि सरकारको तर्फबाट महानगरसँग वार्ता गरी  फोहोर उठाउने पहल भइरहेको जानकारी दिनुभयो । 

फोहोरलाई सिंहदरबारभित्र व्यवस्थापन गर्न सकिँदैन । दैनिक करिब एक टन फोहोर सङ्कलन हुन्छ । अहिले सिंहदरबारको विभिन्न कार्यालयबाट सङ्कलित फोहोरलाई पुतली  बगैँचामा व्यवस्थापन गरिएको साहले बताउनुभयो । 

सङ्घीय सचिवालय निर्माण तथा व्यवस्थापन कार्यालयअन्तर्गत परिवर्तन नेपाल नामक संस्थाले फोहोर उठाउने र सरसफाइ गर्ने काम गर्दैआएको छ ।