प्रेमराज सिम्खडा
कालीकोट, बैशाख २ गते । कालिकोटको रास्कोट नगरपालिका –३ कोलिगाउँ नजिकै सडक छेउमा एक युवा मृत भटिएका छन् । रास्कोट नगरपालिका –४ का मेघराज उपाध्याय मृत भेटिनुभएको छ । उता तिलागुफा नगरपालिका –१ भिग्ममा दाउरा निकाल्नेक्रममा तिला नदीमा एक युवा वेपता हुनुभएको छ । जिल्ला समन्वय समिति कालीकोटका सदस्य समेत रहनुभएका अन्दाजी वर्ष ३७ का कालिबहादुर बिक नदीमा वेपता हुनुभएको प्रहरीले जनाएको छ ।
रास्कोटमा मृत भेटिनुभएका व्यक्तिको भाइ नाता पर्ने गोकर्ण संज्यालका अनुसार वडा ३ को एक निजी विद्यालयनजिक सडक छेउमा मेघराज उपाध्याय मृत भेटिनुभएको बताउनुभयो ।
बिहान वडा ५ का बिमलबहादुर शाही सिप्खानातिर जानेक्रममा मृत अवस्थामा देखेपछि आफन्त र प्रहरीलाई खबर गरेको परिवारका सदस्यको भनाई छ । जिल्ला प्रहरी कार्यालय कालीकोटका सूचना अधिकारी प्रहरी निरीक्षक सुबराज बमले मृत्युको कारण नखुले पनि संकास्पद भएकाले अनुसान्धानपछि जानकारी हुने बताउनुभयो ।
