सञ्चालनमा आयो होटल पौवा

गोरखापत्र समाचारदाता

काठमाडौँ, चैत ८ गते । पोखराको लेकसाइडमा होटल पौवा सञ्चालनमा आएको छ । देशका विभिन्न ठाउँमा शाखा विस्तार गरिरहेको होटल पौवाले एघारौँ शाखाका रूपमा पोखरामा पनि सेवा सञ्चालनमा ल्याएको हो । 

देशकै प्रमुख पर्यटकीय स्थानबाट उत्कृष्ट आतिथ्य सेवा प्रदान गर्ने उद्देश्यसहित पोखरामा पनि सेवा सञ्चालन गरिएको होटल पौवाका प्रबन्ध निर्देशक विष्णु ज्ञवालीले जानकारी दिनुभयो ।

सेवा सञ्चालन भएको अवसरमा होटल पौवाले चैत १० गतेदेखि १२ गतेसम्म खाना चाख्ने, होटलका सबै शाखाका सेफबीच अन्तरशाखा प्रतिस्पर्धा गर्ने र नेपालको आतिथ्यतासम्बन्धी सम्मेलन पनि आयोजना गर्ने भएको छ । 

नेपाली पहिचानसहितको आतिथ्यता प्रदान गर्ने होटल पौवाले पश्चिम क्षेत्रका प्रमुख सहरमा आफ्नो सेवा विस्तार गरिसकेको छ । भविष्यका देशका प्रायः सबै प्रमुख स्थानमा शाखा विस्तार गर्ने कम्पनीको लक्ष्य रहेको ज्ञवालीले जानकारी दिनुभयो ।