कलियुग हो यो
विश्वास थोरैलाई गर्नु ।
खुट्टा तान्ने धेरै हुन्छन्
आफ्नो पाइला मजबुत पार्नु ।।
नडराउनु कोहीसँग यहाँ
न त कसैलाई हेप्नु ।
आफ्नो कुरा खोल्नु अगाडि
सयौँ चोटि सोच्नु ।।
हेप्न त सबैले जान्दछन्
तर तिमीले सम्मान गर्नु ।
दुनियाँ अगाडि नाम राखी
आफ्नो प्रतिष्ठा बढाउनु ।।
दबाउन खोज्छन् तिमीलाई
तर आफैँ भरोसा राख्नु ।
निरन्तर अघि बढी
आफ्नो लक्ष्य सफल पार्नु ।।
अनुशासन र मेहनत
तिम्रो जीवनको हतियार बनाउनु ।
यसको प्रयोगले
आफ्नो लक्ष्य हासिल गर्न तयार हुनु ।।
आफ्नो आँसु तिमी
मनभित्र दबाइराख्नु ।
त्यो दुःखलाई
एउटा ईष्र्या बनाइराख्नु ।।
त्यो ईष्र्याले सधैँ आफ्नो
मनलाई जलाइराख्नु ।
र त्यो आगो मेटाउन
सफलताको पानी राख्नु ।।
सहयोग सबैले गर्छ
तर सङ्घर्ष तिमी आफैँ गर्नु ।
यो लडाइँ केबल तिम्रो हो
तिमी आफैँ लड्नु ।।
