नवीन सुबेदी
सुर्खेत, फागुन १ गते । सुर्खेतको वीरेन्द्रनगरमा आन्दोलनले उग्ररुप लिएपछि प्रहरीले अश्रुग्यास प्रहार गरेको छ । मङ्गलगढी चोकमा आन्दोलनकारी र प्रहरीबीचको दोहोरो झडपमा प्रहरीले चार राउण्ड अश्रुग्यास प्रहार गरेको हो ।
आइतबार बसको ठक्करबाट मृत्यु हुनुभएकी जाजरकोटकी नदी रावतका आफन्तले सोमबार बिहानैदेखि आन्दोलन जारी राखेका छन् । आन्दोलनलाई साम्य पार्ने प्रयास प्रहरीले गरिरहेको छ । तर आन्दोलनले थप उग्ररुप लिँदै गएको छ ।
जिल्ला प्रहरी कार्यालय सुर्खेतका डीएसपी लक्ष्मण शाहीका अनुसार १३० जना प्रहरीको टोली आन्दोलन स्थलमा तैनाथ गरिएको छ ।
