गणेश खनाल
अर्घाखाँची, फागुन १ गते । भारतमा भएको सडक दुर्घटनामा परी अर्घाखाँचीका एक युवकको मृत्यु भएको छ । अर्घाखाँचीको मालारानी गाउँपालिका वडा नम्बर –७ बामरुक गैराटोलका २० वर्षीय सिदास भुसालको सडक दुर्घटनामा परी भारतको गुडगाँवमा मृत्यु हो ।
लामो समयदेखि मृतक भुसालका बुबा भिमबहादुर भुसाल भारतमै बेपत्ता रहनुभएको छ । त्यसपछि बाथ र प्रेसर रोगबाट ग्रस्त रहुनुभएकी आमा मिनाकुमारी भुसालको उपचार एवं पालनपोषणको समस्या टार्न भुसाल पढाइ छोडेर रोजगारीका लागि भारत गएको स्थानीय रमेश भट्टराईले जानकारी दिनुभयो । कारको ठक्करबाट गम्भीर घाइते हुनुभएका भुसालको उपचारको क्रममा मृत्यु भएको भट्टराईले जानकारी दिनुभयो ।
