मुख्यमन्त्री जमरकट्टेलकाे मुख्य राजनीतिक सल्लाहकारमा ढकाल नियुक्त

गाेरखापत्र अनलाइन

काठमाडाैँ, माघ १८ गते । नेकपा (माओवादी केन्द्र)का निवर्तमान भक्तपुर जिल्ला संयोजक देवीप्रसाद (डीपी) ढकाल बागमती प्रदेशका मुख्यमन्त्री शालिकराम जमरकट्टेलको मुख्य राजनीतिक सल्लाहकार नियुक्त हुनुभएकाे छ ।

मंगलबार बिहान बसेको प्रदेश मन्त्रिपरिषदको बैठकले राज्यमन्त्री सरहको सुविधासहित उहाँलाई मुख्यमन्त्रीको प्रमुख राजनीतिक सल्लाहकार नियुक्त गरिएकाे बागमती प्रदेशका प्रदेश सदस्य देवन्द्र श्रेष्ठले जानकारी दिनुभएकाे हाे ।     

माओवादी केन्द्रका नेता वर्षमान पुन अर्थमन्त्री हुँदा उहाँसँग स्वकीय सचिव रही मन्त्रालय हाकेको अनुभव समेत छ । अखिल (क्रान्तिकारी)को नेतृत्व गर्नुभएका ढकाल जेलजीवन बिताउन बाध्य हुनुभएकाे थियाे । भक्तपुर जिल्लाको विकाशमा टेवा पुग्ने विश्वास लिइएकाे छ। 

उहाँलाई नेकपा (माओवादी केन्द्र)काे बागमती प्रदेश समितिले सिफारिस गरेकाे साे पार्टीका बागमती प्रदेश अध्यक्ष तथा हालै निर्वाचित बागमती प्रदेशका प्रदेश सदस्य सरल सहयात्रीले जानकारी दिनुभयाे ।