काठमाडौं, माघ १४ गते । थाइल्याण्डको राजधानी बैंककमा जनवरी १६ देखि २७ तारिखसम्म भएको एएसबीसी यू–२२ पुरुष/महिला बक्सिङ च्याम्पियनसिपमा पदक विजेता खेलाडीलाई स्वागत गरिएको छ ।
च्याम्पियनसिपमा रजत पदक जित्न सफल सुष्मा तामाङ र कांस्य पदक जित्न सफल खेलाडी र बक्सिङ टोलीलाई शनिबार त्रिभुवन अन्तर्राष्ट्रिय विमानस्थलमा राष्ट्रिय खेलकुद परिषद्का सदस्य सचिव टङ्कलाल घिसिङ, नेपाल बक्सिङ सङ्घका पदाधिकारीलगायतबाट स्वागत गरिएको हो । सुष्माले ४८ केजी तौल समूहकाे रजत जित्नुभएको थियो ।
यस्तै महिला ५४ देखि ५७ केजीतौल समूहमा हेमा राईले कांस्य, महिला ७५ देखि ८१ केजी तौल समूहमा त्रिसा जवेगुले कांस्य र पुरुष ८० देखि ८६ केजी तौल समूहमा विजय बाटाले कांस्य पदक जित्नुभएको थियो । च्याम्पियनसिपमा २० देशको सहभागिता थियो । पदक विजेतालाई राखेपले नगद पुरस्कारसहित सम्मान गर्ने जनाएको छ ।
