काठमाडौं माघ ९ गते । स्वास्थ्य तथा जनसङ्ख्या मन्त्री पदम गिरीले स्वास्थ्य क्षेत्रमा पूर्वाधार खरिद गर्दा भ्रष्टाचार गर्न नदिने प्रतिबद्धता गर्नुभएको छ ।
स्वास्थ्य पत्रकार मञ्चले नवनियुक्त स्वास्थ्य मन्त्रीलाई स्वागत तथा शुभकामना दिन आयोजना गरेको कार्यक्रममा बोल्दै मन्त्री गिरीले अस्पतालमा आवश्यक पर्ने पूर्वाधार खरिदमा भ्रष्टाचार हुन नदिने प्रतिबद्धता गर्नु भएको हो ।
उहाँले भन्नुभयो, “म मेरो नेतृत्वमा आएपछि स्वास्थ्य क्षेत्रमा सेटिङ गरेर नीतिगत भ्रष्टाचार हुनेछैन, अरूलाई पनि गर्न दिनेछैन । प्रत्येक खरिदमा पारदर्शी हुन्छ । जनताको रगत पसिना मिसिए प्राप्त भएको राजेश्वलाई कहीँ कतैबाट भ्रष्टाचार र दुरुपयोग गर्ने कार्य हुनेछैन ।’’
आफ्नो मुख्य एजेन्डा गुणस्तरीय स्वास्थ्य सेवालाई सबै नेपालीको पहुँचमा पुर्याउने भएकोले गुणस्तरीय सेवा कसरी दिन सकिन्छ ? भन्ने चिन्ताको विषय भएको मन्त्री गिरीको भनाई छ । बीमाको समस्या समाधान गरी स्वास्थ्य बीमा कार्यक्रम फराकिलो बनाएर अगाडि बढ्न सकेमा सबै नेपाली जनतालाई गुणस्तरीय स्वास्थ्य सेवा दिन सकिने मन्त्री गिरीको तर्क छ ।
त्यसका अलावा अस्पतालको पूर्वाधार, जनशक्ति व्यवस्थित विश्व स्वास्थ्य सङ्गठनको मापदण्ड अनुसार सेवा दिन कोसिस गरिने पनि मन्त्री गिरिले सुनाउनुभयो । उहाँले भन्नुभयो, “पूर्वाधार अभाव हुन नदिन देशैभरका अस्पतालहरूमा कुन ठाउँमा कस्तो अवस्था छ । वैज्ञानिक विधिबाट अध्ययन गरेर पूर्वाधारलाई विकास गरेर अगाडि बढ्ने योजना छ । विशेष कार्ययोजना साथ अगाडि आउँछौँ ।”
तीन सय ९६ पालिकामा निर्माणाधीन अस्पताल निमार्ण कार्य ढिलाइ भइरहेकोले निमार्ण कार्य तीव्रताका साथ अगाडि बढाइने र जनशक्ति व्यवस्थापन गरी अस्पताल सञ्चालनमा ल्याउने मन्त्री गिरीको उद्देश्य रहेको छ ।
-original-thumb.jpg)
