काठमाडौं, माघ ७ गते । ओमानको मस्कटमा जारी २०औँ भेट्रान्स विश्व टेबलटेनिस च्याम्पियनसिपमा नेपालले स्वर्ण पदक जितेको छ ।
शनिबार सम्पन्न पुरुष ४५ वर्ष माथि नेपाली खेलाडी राजेन्द्र दुलाल र रक्त मानन्धरको जोडीले भारतीय खेलाडी रजनिश खतवकर र अमृत अनिल मोदीको जोडीलाई ३–२ को सेटमा हराउँदै स्वर्ण जित्न सफल भयो ।
नेपाली जोडीले भारतीय जोडीलाई ११–७, ११–७, ८–११, ६–११, ११–९ ले पराजित गरेको नेपालका प्रशिक्षक अनिता महर्जनले जानकारी दिनुभयो ।
नेपाली खेलाडीहरूलाई हौसला प्रदान गर्न ओमानस्थित नेपाली राजदूत डोरनाथ अर्याल र नेपालीहरूको समेत उपस्थिति रहेको थियो ।
