काठमाडौं, माघ ५ गते । प्रधानसेनापति खुला म्याराथन प्रतियोगिता माघको अन्तिम साता हुने भएको छ । महाशिवरात्री र सेना दिवसको अवसरमा माघ २८ गते म्याराथन प्रतियोगिता आयोजना गर्न लागिएको नेपाली सेनाले बिहीबार पत्रकार सम्मेलन गरी जानकारी दिएको हो ।
प्रतियोगितामा पुरुषतर्फ खुला म्याराथन, हाफ प्याराथन महिला/पुरुष, तथा १० किलोमिटर र पाँच किलोमिटर छुट्टा छुट्टै दौड पनि समावेश गरिएको बताइएको छ । खुला म्याराथनको विजेताले तीन लाख, उपविजेताले दुई लाख, तेस्रो हुनेले एक लाख र चौथो हुनेले ५० हजार रुपियाँ पुरस्कार पाउनेछन् ।
म्याराथनमा शीर्ष दश तथा हाफ प्याराथनका विजेता र उपविजेतालाई पनि आकर्षक पुरस्कार प्रदान गरिने सेनाले जनाएको छ ।
