काठमाडौं, माघ ५ गते । उर्जा, जलस्रोत तथा सिंचाइमन्त्री एवम् राष्ट्रिय प्रजातन्त्र पार्टीका अध्यक्ष राजेन्द्रप्रसाद लिङ्देनले देवराज घिमिरेलाई सभामुखमा निर्वाचित गर्न सांसदहरुसँग आग्रह गर्नुभएको छ ।
बिहीबार प्रतिनिधि सभाको बैठकमा आफ्नो धारणा राख्नुहुँदै सिंचाइमन्त्री लिङ्देनले सबै सांसदहरुलाई सभामुखका उम्मेदवार घिमिरेलाई निर्वाचित गर्न आग्रह गर्नुभएको हो । उहाँले उम्मेदवार सभामुख पदको सुयोग्य पात्र भएको बताउनुभयो । उहाँले संसद्को निष्पक्षतामा योग्य पात्र घिमिरे रहेको बताउनुभयो ।
उहाँले भन्नुभयो, ‘‘देवराज घिमिरे सादा जीवन व्यतित गर्ने व्यक्तित्व हुनुहुन्छ । यो सभामुख जस्तो गरिमामय पदका लागि सुयोग्य पात्र हुनुहुन्छ, निष्पक्षतामा योग्य भूमिका निर्वाह गर्न सक्षम हुनुहुन्छ, उहाँलाई निर्वाचन गरियोस् । सबै माननीय सदस्यलाई संसद्लाई समर्थनका लागि आग्रह गर्दछु ।’’
मन्त्री लिङ्देनले सभामुखका उम्मेदवारलाई आफूले नजिकबाट चिनेको भन्दै सबैले जिताएर सभामुख बनाउन आग्रह गर्नुभयो ।
