जानु पाण्डे
कपिलवस्तु, पुस ७ गते । कपिलवस्तुको बाणगंगा नदीमा एक युवा हाम फालेको आशङ्कामा खोजतलास सुरु गरिएको छ । नदीको रामघाट पुलमा डुबेको आशङ्कामा खोजतलास सुरु गरिएको हो ।
कपिलवस्तु नगरपालिका १ तौलिहवा खानेपानी टोलका २९ वर्षीय गोरखनाथ बर्मा हाम फालेको आशङ्कामा खोजतलास गरिएको हो । बर्मा बुधवार बिहान ९ बजेदेखि बेपत्ता हुनुभएको थियो ।
जिल्ला प्रहरी कार्यालय कपिलवस्तुले फोन लोकेसन ट्र्याक गर्दा रामघाट पुल देखिएपछि अनुसन्धान जारी गरेको थियो । प्रहरीले बर्माले प्रयोग गर्दैआएको एउटा फोन पुल माथि फेला पारेको छ । फोन भेटिएपछि नदीमा हामफालेको आशङ्का गरिएको छ ।
आज बिहीबार ४ बजेदेखि सशस्त्र प्रहरी २८ नम्बर गणको टोली खोजतलासमा खटिएको गणपति सूर्यबहादुर सेनओलीले बताउनुभयो ।