ज्येष्ठ नागरिकको जलेर मृत्यु

बिन्दु थापा 

तानसेन, मङ्सिर २६ गते । पाल्पाको रिब्दिकोट गाउँपालिका १ जोरपोखरी कोटखेराका ७५ वर्षीय एक ज्येष्ठ नागरिकको जलेर मृत्यु भएको छ । जिल्ला प्रहरी कार्यालय पाल्पाका प्रहरी नायब उपरीक्षक वीरेन्द्र थापाका अनुसार सुत्ने कोठामा खिमबहादुर बिकको आगो ताप्ने क्रममा जलेर मृत्यु भएको हो । 

खरले छाएको कच्ची घरमा आगो ताप्ने क्रममा आगो लागेपछि उहाँको मृत्यु भएको थियो । आगो लागेको विषयमा थप अनुसन्धान गरिने प्रहरीले जनाएको छ ।