रेखीराम राना
पाल्पा, मङ्सिर ५ गते । पाल्पाको मतगणना दिउँसो ३ बजेदेखि सुरु गरिनेभएको छ । राजनैतिक दल तथा उम्मेदवारसँगको सर्वपक्षीय बैठकले ३ बजेदेखि मतगणना सुरु गर्ने सहमति गरेको हो ।
पाल्पा क्षेत्र नं. २ को प्रत्यक्षतर्फको प्रतिनिधिसभा तथा प्रदेशसभा र समानुपातिकतर्फको पनि दुबै सभाको मतगणना एकै पटक सुरु गरिने मुख्य निर्वाचन अधिकृत कमलराज विष्टले जानकारी दिनुभयो ।
निर्वाचन आयोगले गरेको निर्देशनअनुसार उम्मेदवारलाई जानकारी गराएर ३ बजेदेखि मतगणना सुरु गर्ने सहमति भएको उहाँले बताउनुभयो । यस्तै, पाल्पा क्षेत्र नं. १ को पनि मतगणनाका लागि सर्वपक्षीय बैठक बसिरहेको छ । मतगणना कार्य सुरु गर्नुअघि बैठक बसेको छ ।
