नवीन सुवेदी
सुर्खेत, कात्तिक १६ गते । सुर्खेतको भेरीगङ्गा नगरपालिका –११ कासीपुरमा मोटरसाइकल दुर्घटना हुँदा एक जनाको मृत्यु भएको छ । मङ्गलबार साँझ छिन्चु–जाजरकोट सडकखण्डमा छिन्चुबाट जहरेतर्फ जाँदै गरेको भे १२ प ६४५५ नम्बरको मोटरसाइकल अनियन्त्रित भएर कल्भर्टमा ठक्कर खाँदा दुर्घटना भएको थियो ।
मोटरसाइकल चालक र मोटरसाइकलमा सवार दुवैको नामथर नखुलेको प्रहरीले जनाएको छ । मोटरसाइकल चालक घाइते हुनुहुन्छ । मोटरसाइकल सडकबाट करिब २० मिटर तल खोलामा खसेको थियो ।
यस्तै, कालागाउँमा उपचार गरिरहेको अवस्थामा घाइते अन्दाजी २५ वर्षीय एक पुरुषको मृत्यु भएको प्रहरीले जनाएको छ । प्रहरीका अनुसार उहाँको शव अस्पतालमा राखिएको छ भने मोटरसाइकल चालकको उपचार भइरहेको छ । घाइतेको बायाँ खुट्टा र शरीरको विभिन्न भागमा चोट लागेको छ । साथै उहाँको अवस्था गम्भीर रहेको प्रहरीले जनाएको छ ।
