काठमाडौं, साउन १९ गते । चिनियाँ नागरिकलाई अपहरण गरेको आरोपमा प्रहरीले छ जनालाई पक्राउ गरेको छ ।
महानगरीय प्रहरी परिसर, काठमाडौंले दरबारमार्ग क्षेत्रबाट चिनियाँ नागरिकलाई अपहरण गरेको आरोपमा बुधबार साँझ छ जनालाई पक्राउ गरेको हो ।
परिसरका प्रहरी वरिष्ठ उपरीक्षक (एसएसपी) भरतबहादुर बोहराले पक्राउ पर्ने छ जना नेपाली नागरिक भएको जानकारी दिनुभयो । परिसरले पक्राउ परेका व्यक्तिहरूको विवरण सार्वजनिक गरेको छैन ।
''यसबारे विस्तृत विवरण सार्वजनिक गर्छौं,'' एसएसपी बोहराले भन्नुभयो ।
