काठमाडौँ, वैशाख १७ गते । इङ्लिस क्लब आर्सनल र स्पेनिस टोली एट्लेटिको म्याड्रिडले युरोपियन च्याम्पियन्स लिगअन्तर्गत सेमिफाइनल खेलको पहिलो लेगमा बराबरी खेलेका छन् ।
एट्लेटिकोको घरेलु मैदानमा बुधबार राति भएको प्रतिस्पर्धात्मक खेल १–१ गोलको बराबरीमा सकिएको हो । दुवै टोलीले पेनाल्टीमा एक एक गोल गरेका थिए ।
पाहुना टोली आर्सननले ४४औँ मिनेटमा सुरुवाती गोल गरेको थियो । भिक्टर ग्योकेरेसले पेनाल्टीमा गोल गर्दै आर्सनलको उत्साह जगाउनुभएको थियो ।
तर ५६औँ मिनेटमा जुलियन अल्भारेजले पेनाल्टीमै गोल गर्दै एट्लेटिकोलाई खेलमा फर्काउनुभयो । त्यसपछि दुवै टोलीको गोल थप्ने प्रयास सफल भएन । दोस्रो लेख अब आर्सनलको मैदानमा हुनेछ । एजेन्सी
