गाजा व्यवस्थापनका लागि हमासको नयाँ पहल

गाजा, चैत २१ गते । हमासले शुक्रबार गाजा पट्टीको व्यवस्थापन र युद्धविराम सम्झौताको पहिलो चरण कार्यान्वयन गर्न प्रशासनिक समिति गठनको प्रस्ताव गरेको छ । यो प्रस्ताव हमासको प्रतिनिधिमण्डलले दुई दिनको काहिरो भ्रमणपछि जारी गरेको विज्ञप्तिमा आएको हो ।

प्रतिनिधिमण्डलको नेतृत्व गाजाका प्रमुख खालिल अल-हैय्या गर्नुभएको थियो । भ्रमणका क्रममा हमासले इजिप्टियाली अधिकारी, मध्यस्थकर्ता र अन्य समूहसँग बैठक गरेको थियो । प्रतिनिधिमण्डलले अन्य समूहसँग मिलेर सम्झौताका सबै चरण कार्यान्वयन गर्ने प्रतिबद्धता दोहोर्याएको छ । साथै मध्यस्थकर्तासँगको परामर्श निरन्तर जारी रहेको उल्लेख गरिएको छ ।

हामासले मानविय सहयोग निरन्तर सुनिश्चित गर्नु, भौतिक शान्ति कायम राख्नु र प्रारम्भिक पुनर्निर्माण र राहत कार्यलाई सहज बनाउनु महत्वपूर्ण भएको जोड दिएको छ । प्रतिनिधिमण्डलले नजिकैको दिनमा काहिरोमा पुनः वार्ता सुरु गर्ने आमन्त्रण प्राप्त गरेको पनि बताएको छ ।

सन्दर्भका लागि, हमास र इजरायलबिचको युद्धविराम सम्झौता अक्टोबर २०२५ देखि गाजा पट्टीमा लागू छ । पहिलो चरणमा बन्दी र बन्धकको साटासाट, मानविय सहायता प्रवाह र इजरायली सेनाको केही क्षेत्रमा फिर्ती समावेश थियो । जनवरीमा अमेरिकाले दोस्रो चरणको शान्ति योजना घोषणा गरेको थियो, जसमा पूर्ण इजरायली सेनाको फिर्ती, पुनर्निर्माणको सुरु र प्रशासनिक निकायको स्थापना समावेश छ । रासस/सिन्ह्वा

गोरखापत्र अनलाइन