.jpeg)
प्रवीण कुमार शर्मा
रौतहट, फागुन २३ गते । रौतहट क्षेत्र नं. ४ मा राष्ट्रिय स्वतन्त्र पार्टी (रास्वपा) का गणेश पौडेलको अग्रता बढाउँदै जानुभएको छ । उहाँको निकटम प्रतिद्वन्द्वी नेपाली कांग्रेसका उम्मेदवार देवप्रसाद तिमल्सिनाभन्दा दोब्बर बढी मतान्तरले अगाडि रहनुभएको छ ।
शनिबार बिहान ८ः३० बजेको मतपरिणाम अनुसार रास्वपा उम्मेदवार पौडेल नेपाली कांग्रेसका उम्मेदवार तिमल्सिनाभन्दा ११ हजार ५२४ मतले अगाडि हुनुहुन्छ ।
४० हजार ८८३ मतको गणना गर्दा पौडेलले १९ हजार ८८५ मत पाउनुभएको निर्वाचन अधिकृतको कार्यालय प्रतिनिधि सभा सदस्य निर्वाचन क्षेत्र नं. ४ का निर्वाचन अधिकृत उद्धव ढोडारिले जानकारी दिनुभयो ।
त्यसैगरी नेपाली कांग्रेसका उम्मेदवार देवप्रसाद तिमल्सिनाले आठ हजार ३६१ मत, नेपाली कम्युनिष्ट पार्टीका उम्मेदवार रामकुमार भट्टराइले छ हजार ४३६ मत, नेकपा एमालेका उम्मेदवार रामजी साह सोनारले एक हजार ८५९ मत पाउनु भएको छ ।
यस्तै, जनता समाजवादी पार्टी नेपालका राजकुमार दास तत्माले ६९७ मत, आम जनता पार्टीका उम्मेदवार ऋषि राज धमलाले २९६ मत, जनमत पार्टीका उम्मेदवार राम कल्याण राउतले १८१ मत पाउनुभएको छ ।
बिहीबार सम्पन्न प्रतिनिधि सभा सदस्य निर्वाचनअन्तर्गत रौतहट ४ मा ७३ हजार ३९७ मत खसेको थियो ।
