केशव राज भट्ट
बैतडी, फागुन २९ गते । बैतडीमा गुडिरहेको बसबाट खसेर एक जनाको मृत्यु भएको छ ।
महेन्द्रनगरबाट बैतडीतर्फ आउँदै गरेको सु.प.प्र. ०२००१ ख १०१७ नम्बरको बसबाट खसेर दशरथचन्द नगरपालिका–८ त्रिपुराका अन्दाजी ६५ वर्षीय पदमराज भट्टको मृत्यु भएको जिल्ला प्रहरी कार्यालय बैतडीले जनाएको छ ।
दशरथचन्द राजमार्ग अन्तर्गत दशरथचन्द नगरपालिका–१ गुरुखोला स्थित मोडमा बिहीबार साँझ पौने ५ बजेतिर बसको ढोकाबाट खसेर उहाँ घाइते हुनुभएको थियो ।
घाइते भट्टलाई तत्काल जिल्ला अस्पताल बैतडी पु¥याइए पनि उपचारका क्रममा चिकित्सकले मृत घोषणा गरेका थिए ।
मृतकको टाउकोमा चोट लागेको र कानबाट अत्यधिक रक्तस्राव भएका कारण मृत्यु भएको हुनसक्ने जिल्ला अस्पताल बैतडीका सूचना अधिकारी हरिश पन्तले जानकारी दिनुभयो ।
घटनामा संलग्न बस र चालक दशरथ महरालाई नियन्त्रणमा लिइएको प्रहरीले जनाएको छ । घटनाबारे थप अनुसन्धान भइरहेको छ ।
-original-thumb.jpg)
