नयाँदिल्ली, माघ १६ गते । बेलायत भारत शैक्षिक सहयोग नयाँ चरणमा प्रवेश गर्न तयार भएसँगै नौ वटा बेलायती विश्वविद्यालयले भारतमा क्याम्पस स्थापना गर्ने तयारी गरिरहेको जनाइएको छ । प्रविधिको विकासले उच्च शिक्षा, प्रतिभा विकास र रचनात्मक उद्योगमा दीर्घकालीन साझेदारी निर्माण गर्ने व्यापक रणनीति प्रतिबिम्बित गरेको जनाइएको छ ।
ब्रिटिस काउन्सिलका प्रतिनिधि एलिसन ब्यारेटलाई उदृत गर्दै एएनआईले रचनात्मक अर्थ व्यवस्थामा बढ्दो सहकार्यको रूपान्तरणकारी सम्भावनालाई प्रकाश पारेको छ । उहाँले विद्यार्थी, विचार र विशेषज्ञताको दुई तर्फी सहयोग प्रवाहलाई जोड दिदै यसलाई नयाँ क्याम्पसले पनि आत्मसाथ गर्ने अपेक्षा गरेको छ ।
भारतीय भूमिमा ब्रिटिस विश्वविद्यालयको उपस्थिति शिक्षामा पहुँच विस्तार गर्ने मात्र नभई शैक्षिक समुदाय र उद्योगले नजिकबाट काम गर्ने एकीकृत वावावरण सिर्जना गर्नु रहेको ब्यारेटले उल्लेख गर्नु भएको छ । उहाँले पोडकास्टिङ, फिल्म निर्माण, फेसन र डिजाइन जस्ता रचनात्मक क्षेत्रलाई सहकार्यका लागि उपयुक्त क्षेत्रका रूपमा औंल्याउनु भएको छ ।
यो पहल भारतको उच्च शिक्षा क्षेत्रलाई अन्तर्राष्ट्रियकरण गर्ने भारतको प्रयाससँग मेल खाने र आफूलाई नवीनता र रचनात्मक प्रतिभाका लागि विश्वव्यापी रूपमा स्थापित गर्ने जनाइएको छ । बेलायतका लागि, यसले आफ्नो शैक्षिक कार्यक्रम विस्तार गर्ने, विविध विद्यार्थी समूहलाई आकर्षित गर्ने, र विश्वव्यापी शिक्षा बजारमा प्रतिस्पर्धी रहने तरिका प्रदान गर्ने जनाइएको छ ।
जुन विशुद्ध रूपमा निर्यात संचालित हुनुको सट्टा बढ्दो सहयोगी छ । ब्यारेटका अनुसार, साझेदारीले संयुक्त स्नातकोत्तर र स्नातक कार्यक्रमदेखि लिएर संरचित इन्टर्नशिप मार्ग खुला गरी बेलायती विद्यार्थीलाई भारतको क्षेत्रमा अनुभव प्राप्त गर्न अनुमति दिन्छ । उहाँले गतिशीलता सम्बन्धको केन्द्र बिन्दु हुने बताउदै विद्यार्थी दुई देशबिच आदान प्रदान गर्ने संस्था मिलेर पाठ्यक्रम डिजाइन गर्ने काम गरिरहेको बताउनु भएको छ । रासस/एएनआई
